🇮🇳 ਭਾਰਤੀ ਫੌਜ ਨੂੰ ਸਤਾਉਣ ਲੱਗੀ ਸਿੱਖ ਫੌਜੀਆਂ ਦੀ ਘੱਟ ਦੀ ਗਿਣਤੀ, ਨੌਜਵਾਨਾ ਨੂੰ 🪯ਸਿੱਖ ਰੈਜੀਮੈਂਟ ਵਿੱਚ ਭਰਤੀ ਹੋਣ ਦੀ ਅਪੀਲ।

📰 ਭਾਰਤੀ ਫੌਜ ਨੇ ਸਿੱਖ ਫੌਜੀਆਂ ਦੀ ਘੱਟ ਰਹੀ ਗਿਣਤੀ ਨੂੰ ਲੈ ਕੇ ਆਪਣੀ ਚਿੰਤਾ ਖੁੱਲ੍ਹ ਕੇ ਸਾਹਮਣੇ ਰੱਖੀ ਹੈ। ਫੌਜੀ ਅਧਿਕਾਰੀਆਂ ਅਨੁਸਾਰ, ਪਿਛਲੇ ਕੁਝ ਸਾਲਾਂ ਦੌਰਾਨ ਸਿੱਖ ਰੈਜੀਮੈਂਟ ਵਿੱਚ ਨੌਜਵਾਨਾਂ ਦੀ ਭਰਤੀ ਵਿੱਚ ਲਗਾਤਾਰ ਕਮੀ ਦਰਜ ਕੀਤੀ ਗਈ ਹੈ, ਜੋ ਭਵਿੱਖ ਲਈ ਇੱਕ ਗੰਭੀਰ ਸੰਕੇਤ ਮੰਨੀ ਜਾ ਰਹੀ ਹੈ। ਇਸ ਸਥਿਤੀ ਨੂੰ ਦੇਖਦਿਆਂ ਭਾਰਤੀ ਫੌਜ ਵੱਲੋਂ ਸਿੱਖ ਨੌਜਵਾਨਾਂ ਨੂੰ ਦੇਸ਼ ਦੀ ਸੇਵਾ ਲਈ ਅੱਗੇ ਆਉਣ ਦੀ ਅਪੀਲ ਕੀਤੀ ਗਈ ਹੈ।

ਸਿੱਖ ਰੈਜੀਮੈਂਟ ਭਾਰਤੀ ਫੌਜ ਦੀਆਂ ਸਭ ਤੋਂ ਪੁਰਾਣੀਆਂ ਤੇ ਸਨਮਾਨਿਤ ਰੈਜੀਮੈਂਟਾਂ ਵਿੱਚੋਂ ਇੱਕ ਹੈ। ਇਸ ਰੈਜੀਮੈਂਟ ਨੇ ਦੇਸ਼ ਦੀ ਆਜ਼ਾਦੀ ਤੋਂ ਪਹਿਲਾਂ ਅਤੇ ਬਾਅਦ ਹਰ ਮੁਸ਼ਕਿਲ ਸਮੇਂ ਵਿੱਚ ਆਪਣੀ ਬਹਾਦਰੀ ਅਤੇ ਕੁਰਬਾਨੀ ਨਾਲ ਇਤਿਹਾਸ ਰਚਿਆ ਹੈ। ਚਾਹੇ ਉਹ ਵਿਸ਼ਵ ਯੁੱਧ ਹੋਣ, 1965 ਅਤੇ 1971 ਦੀਆਂ ਜੰਗਾਂ ਹੋਣ ਜਾਂ ਕਾਰਗਿਲ ਵਰਗੇ ਸੰਘਰਸ਼, ਸਿੱਖ ਫੌਜੀਆਂ ਨੇ ਹਰ ਮੋਰਚੇ ਤੇ ਬੇਮਿਸਾਲ ਜਜ਼ਬਾ ਵਿਖਾਇਆ ਹੈ।

ਹਾਲਾਂਕਿ, ਅੱਜ ਦੇ ਦੌਰ ਵਿੱਚ ਨੌਜਵਾਨਾਂ ਦੇ ਰੋਜ਼ਾਨਾ ਵਿੱਚ ਬਦਲਾਅ ਆਇਆ ਹੈ। ਅਧਿਕਾਰੀਆਂ ਦਾ ਕਹਿਣਾ ਹੈ ਕਿ ਕਈ ਸਿੱਖ ਨੌਜਵਾਨ ਹੁਣ ਵਿਦੇਸ਼ਾਂ ਵਿੱਚ ਰੋਜ਼ਗਾਰ, ਨਿਜੀ ਖੇਤਰ ਦੀਆਂ ਨੌਕਰੀਆਂ ਜਾਂ ਹੋਰ ਪੇਸ਼ਾ ਵਰ ਮੌਕਿਆਂ ਨੂੰ ਤਰਜੀਹ ਦੇ ਰਹੇ ਹਨ। ਇਸ ਕਾਰਨ ਫੌਜ ਵਿੱਚ ਸ਼ਾਮਿਲ ਹੋਣ ਦੀ ਰੁਚੀ ਘੱਟ ਹੋ ਰਹੀ ਹੈ। ਜੋ ਲੰਮੇ ਸਮੇਂ ਵਿੱਚ ਫੌਜ ਦੀ ਸਰੰਚਣਾ ‘ਤੇ ਅਸਰ ਪਾ ਸਕਦੀ ਹੈ।

ਭਾਰਤੀ ਫੌਜ ਦਾ ਮੰਨਣਾ ਹੈ ਕਿ ਸਿੱਖ ਨੌਜਵਾਨਾਂ ਵਿੱਚ ਸਰੀਰਕ ਤਾਕਤ, ਅਨੁਸ਼ਾਸਨ ਅਤੇ ਨਿਤ੍ਰਤਵ ਦੀਆਂ ਖੂਬੀਆਂ ਕੁਦਰਤੀ ਤੌਰ ‘ਤੇ ਮੌਜੂਦ ਹੁੰਦੀਆਂ ਹਨ। ਇਹਨਾਂ ਗੁਣਾਂ ਕਰਕੇ ਹੀ ਸਿੱਖ ਰੈਜੀਮੈਂਟ ਨੂੰ ਹਮੇਸ਼ਾ ਇੱਕ ਐਲੀਟ ਫੌਜੀ ਯੂਨਿਟ ਵਜੋਂ ਦੇਖਿਆ ਜਾਂਦਾ ਹੈ। ਫੌਜ ਨੇ ਨੌਜਵਾਨਾਂ ਨੂੰ ਅਪੀਲ ਕੀਤੀ ਹੈ ਕਿ ਉਹ ਇਸ ਗੌਰਵਸ਼ਾਲੀ ਵਿਰਾਸਤ ਨੂੰ ਅੱਗੇ ਵਧਾਉਣ ਅਤੇ ਦੇਸ਼ ਦੀ ਰੱਖਿਆ ਵਿੱਚ ਆਪਣਾ ਯੋਗਦਾਨ ਪਾਉਣ।

ਇਸ ਦੇ ਨਾਲ ਹੀ ਫੌਜ ਵੱਲੋਂ ਭਰਤੀ ਪ੍ਰਕਿਰਿਆ ਬਾਰੇ ਜਾਗਰੂਕਤਾ ਵਧਾਉਣ ‘ਤੇ ਵੀ ਜ਼ੋਰ ਦਿੱਤਾ ਜਾ ਰਿਹਾ ਹੈ। ਸਕੂਲ, ਕਾਲਜ ਤੇ ਪਿੰਡਾਂ ਵਿੱਚ ਆਊਟ ਰੀਚ ਪ੍ਰੋਗਰਾਮ ਰਾਹੀਂ ਨੌਜਵਾਨਾਂ ਨੂੰ ਫੌਜੀ ਜੀਵਨ, ਉਸਦੇ ਫਾਇਦਿਆਂ ਅਤੇ ਮੌਕਿਆਂ ਬਾਰੇ ਜਾਣਕਾਰੀ ਦਿੱਤੀ ਜਾ ਰਹੀ ਹੈ। ਫੌਜੀ ਅਧਿਕਾਰੀਆਂ ਦਾ ਕਹਿਣਾ ਹੈ ਕਿ ਸੇਵਾ ਸਿਰਫ਼ ਰੋਜਗਾਰ ਨਹੀਂ, ਸਗੋਂ ਦੀ ਇਸ ਲਈ ਸਮਰਪਣ ਅਤੇ ਮਾਣ ਦੀ ਗੱਲ ਹੈ।

ਮਹਿਰਾਂ ਦਾ ਮਤ ਹੈ ਕਿ ਜੇ ਸਿੱਖ ਨੌਜਵਾਨ ਵੱਧ ਗਿਣਤੀ ਵਿੱਚ ਸਿੱਖ ਰੈਜੀਮੈਂਟ ਨਾਲ ਜੁੜਦੇ ਹਨ, ਤਾਂ ਇਹ ਸਿਰਫ ਫੌਜ ਦੀ ਤਾਕਤ ਨਹੀਂ ਵਧਾਏਗਾ, ਸਿੱਖ ਸਮਾਜ ਦੀ ਇਤਿਹਾਸਕ ਪਛਾਣ ਨੂੰ ਵੀ ਮਜਬੂਤ ਕਰੇਗਾ। ਭਾਰਤੀ ਫੌਜ ਦੀ ਇਹ ਅਪੀਲ ਇੱਕ ਵਾਰ ਫਿਰ ਨੌਜਵਾਨਾਂ ਨੂੰ ਆਪਣੀ ਜੜਾਂ ਅਤੇ ਦੇਸ਼ ਭਗਤੀ ਨਾਲ ਜੋੜਨ ਦੀ ਕੋਸ਼ਿਸ਼ ਵਜੋਂ ਦੇਖੀ ਜਾ ਰਹੀ ਹੈ।

👉 ਹੋਰ ਅਪਡੇਟਸ ਲਈ ਸਾਡੀ ਵੈਬਸਾਈਟ https://haqiqatepunjab.in/ ਨਾਲ ਜੁੜੇ ਰਹੋ।