📰 ਦੇਸ਼ ਭਰ ਵਿੱਚ ਟੋਲ ਪਲਾਜ਼ਿਆਂ ‘ਤੇ ਵੱਡਾ ਬਦਲਾਅ: ਨਕਦ ਭੁਗਤਾਨ ਹੋਵੇਗਾ ਬੰਦ, ਸਾਰਾ ਸਿਸਟਮ ਕੈਸ਼ਲੈਸ।

ਦੇਸ਼ ਵਿੱਚ ਯਾਤਰਾ ਕਰਨ ਵਾਲੇ ਲੱਖਾਂ ਵਾਹਨ ਚਾਲਕਾਂ ਲਈ ਕੇਂਦਰ ਸਰਕਾਰ ਨੇ ਇੱਕ ਅਹੰਕਾਰਪੂਰਨ ਅਤੇ ਦੂਰਗਾਮੀ ਫੈਸਲਾ ਲਿਆ ਹੈ। ਸਰਕਾਰ ਨੇ ਐਲਾਨ ਕੀਤਾ ਹੈ ਕਿ ਆਉਣ ਵਾਲੇ ਸਮੇਂ ਵਿੱਚ ਭਾਰਤ ਦੇ ਸਾਰੇ ਟੋਲ ਪਲਾਜਿਆਂ ਨੂੰ ਪੂਰੀ ਤਰ੍ਹਾਂ ਕੈਸ਼ ਲੈਸ ਕਰ ਦਿੱਤਾ ਜਾਵੇਗਾ। ਇਸ ਫੈਸਲੇ ਤਹਿਤ ਹੁਣ ਟੋਲ ਪਲਾਜ਼ਾ’ ਤੇ ਨਕਦ ਪੈਸਿਆਂ ਨਾਲ ਭੁਗਤਾਨ ਦੀ ਸਹੂਲਤ ਹੌਲੀ ਹੌਲੀ ਖਤਮ ਕੀਤੀ ਜਾਵੇਗੀ।

ਸਰਕਾਰੀ ਅਧਿਕਾਰੀਆਂ ਮੁਤਾਬਿਕ, ਇਹ ਕਦਮ ਟੋਲ ਪ੍ਰਣਾਲੀ ਨੂੰ ਹੋਰ ਤੇਜ਼, ਪਾਰਦਰਸ਼ੀ ਅਤੇ ਆਧੁਨਿਕ ਬਣਾਉਣ ਵੱਲ ਇੱਕ ਵੱਡਾ ਕਦਮ ਹੈ।ਕੈਸ਼ਲੈਸ ਪ੍ਰਣਾਲੀ ਲਾਗੂ ਹੋਣ ਤੋਂ ਬਾਅਦ ਵਾਹਨ ਚਾਲਕਾਂ ਨੂੰ FASTTag ਜਾਂ ਹੋਰ ਡਿਜੀ਼ਟਲ ਭੁਗਤਾਨ ਮਾਧਿਅਮਾ ਰਾਹੀਂ ਹੀ ਟੋਲ ਅਦਾ ਕਰਨਾ ਪਵੇਗਾ। ਇਸ ਨਾਲ ਟੋਲ ਬੂਥਾਂ ‘ਤੇ ਰੁਕਾਵਟ ਘਟੇਗੀ ਅਤੇ ਲੰਬੀਆਂ ਕਤਾਰਾਂ ਤੋਂ ਲੋਕਾਂ ਨੂੰ ਰਾਹਤ ਮਿਲੇਗੀ।

ਮੌਜੂਦ ਸਮੇਂ ਵਿੱਚ FASTTag ਸਿਸਟਮ ਦੇਸ਼ ਦੇ ਜਿਆਦਾ ਰਾਸ਼ਟਰੀ ਅਤੇ ਰਾਜ ਮਾਰਗਾਂ’ ਤੇ ਲਾਗੂ ਹੈ। ਪਰ ਕਈ ਥਾਵਾਂ’ ਤੇ ਅਜੇ ਵੀ ਨਕਦ ਭੁਗਤਾਨ ਕੀਤਾ ਜਾ ਰਿਹਾ ਹੈ। ਸਰਕਾਰ ਦਾ ਮੰਨਣਾ ਹੈ ਕਿ ਨਕਦ ਲੈਣ -ਦੇਣ ਕਾਰਨ ਟਰੈਫਿਕ ਜਾਮ,ਸਮੇਂ ਦੀ ਬਰਬਾਦੀ ਅਤੇ ਇੰਦਨ ਦੀ ਵਾਧੂ ਖਪਤ ਹੁੰਦੀ ਹੈ। ਕੈਸ਼ਲੈਸ ਟੋਲ ਸਿਸਟਮ ਨਾਲ ਵਾਹਨ ਬਿਨਾਂ ਰੁਕੇ ਆਸਾਨੀ ਨਾਲ ਅੱਗੇ ਵੱਧ ਸਕਣਗੇ।

ਇਸ ਫੈਸਲੇ ਨਾਲ ਸਿਰਫ਼ ਯਾਤਰੀਆਂ ਨੂੰ ਹੀ ਨਹੀਂ, ਸਗੋਂ ਸਰਕਾਰ ਨੂੰ ਵੀ ਵੱਡਾ ਫਾਇਦਾ ਹੋਵੇਗਾ। ਸਾਰੇ ਭੁਗਤਾਨ ਡਿਜ਼ਿਟਲ ਹੋਣ ਕਾਰਨ ਟੋਲ ਕਲੈਕਸ਼ਨ ਵਿੱਚ ਪਾਰਦਰਸ਼ਤਾ ਵਧੇਗੀ ਅਤੇ ਕਿਸੇ ਵੀ ਤਰ੍ਹਾਂ ਦੀ ਗੜਬੜ ਜਾਂ ਟੈਕਸ ਚੋਰੀ ਦੀ ਸੰਭਾਵਨਾ ਘੱਟ ਹੋਵੇਗੀ। ਨਾਲ ਹੀ, ਸਰਕਾਰ ਨੂੰ ਟਰੈਫਿਕ ਅਤੇ ਰਾਜਮਾਰਗਾਂ ਦੇ ਡਾਟਾ ਨੂੰ ਬਿਹਤਰ ਢੰਗ ਨਾਲ ਮੈਨੇਜ ਕਰਨ ਵਿੱਚ ਮਦਦ ਮਿਲੇਗੀ।

ਸਰਕਾਰ ਵੱਲੋਂ ਲੋਕਾਂ ਨੂੰ FASTag ਅਪਨਾਉਣ ਲਈ ਜਾਗਰੂਕਤਾ ਮੁਹਿੰਮਾਂ ਵੀ ਚਲਾਈਆਂ ਜਾ ਰਹੀਆਂ ਹਨ। ਬੈਂਕਾਂ, ਪੈਟਰੋਲ ਪੰਪਾਂ ਅਤੇ ਆਨਲਾਈਨ ਪਲੇਟਫਾਰਮਾਂ ਰਾਹੀਂ FASTag ਆਸਾਨੀ ਨਾਲ ਮਿਲ ਰਹੇ ਹੈ। ਜਿਹੜੇ ਵਾਹਨ FASTag ਤੋਂ ਬਿਨਾ ਟੋਲ ਪਲਾਜਾ ‘ਤੇ ਪਹੁੰਚਣਗੇ, ਉਨ੍ਹਾਂ ਤੇ ਜੁਰਮਾਨਾ ਲੱਗਣ ਦੀ ਸੰਭਾਵਨਾ ਵੀ ਬਣ ਸਕਦੀ ਹੈ।

ਹਾਲਾਂਕਿ ਕੁਝ ਲੋਕਾਂ ਵੱਲੋਂ ਡਿਜ਼ਿਟਲ ਭੁਗਤਾਨ ਨੂੰ ਲੈ ਕੇ ਚਿੰਤਾਵਾਂ ਜਤਾਈਆਂ ਜਾ ਰਹੀਆਂ ਹਨ, ਖ਼ਾਸ ਕਰਕੇ ਉਨਾਂ ਇਲਾਕਿਆਂ ਵਿੱਚ ਜਿੱਥੇ ਇੰਟਰਨੈੱਟ ਦੀ ਸਹੂਲਤ ਸੀਮਤ ਹੈ। ਇਸ ‘ਤੇ ਸਰਕਾਰ ਦਾ ਕਹਿਣਾ ਹੈ ਕਿ ਤਕਨੀਕੀ ਢਾਂਚੇ ਨੂੰ ਮਜ਼ਬੂਤ ਕੀਤਾ ਜਾ ਰਿਹਾ ਹੈ ਤਾਂ ਜੋ ਹਰ ਵਰਗ ਦੇ ਲੋਕ ਬਿਨਾਂ ਕਿਸੇ ਮੁਸ਼ਕਲ ਦੇ ਕੈਸ਼ਲੈਸ ਸਿਸਟਮ ਵਰਤ ਸਕਣ।

ਕੁੱਲ ਮਿਲਾ ਕੇ, ਸਾਰੇ ਟੋਰ ਪਲਾਜ਼ਿਆਂ ਨੂੰ ਕੈਸ਼ਲੈਸ ਬਣਾਉਣ ਦਾ ਫੈਸਲਾ ਭਾਰਤ ਨੂੰ ਡਿਜ਼ਿਟਲ ਅਤੇ ਸਮਾਰਟ ਆਵਾਜਾਈ ਪ੍ਰਣਾਲੀ ਵੱਲ ਲੈ ਜਾਣ ਵਾਲਾ ਇੱਕ ਅਹੰਕਾਰਪੂਰਨ ਕਦਮ ਮੰਨਿਆ ਜਾ ਰਿਹਾ ਹੈ, ਜੋ ਆਉਣ ਵਾਲੇ ਸਮੇਂ ਵਿੱਚ ਯਾਤਰਾ ਦੇ ਅਨੁਭਵ ਨੂੰ ਹੋਰ ਬਿਹਤਰ ਬਣਾਏਗਾ।

👉 ਹੋਰ ਜਾਣਕਾਰੀ ਲਈ ਸਾਡੀ ਵੈੱਬਸਾਈਟ https://haqiqatepunjab.in/ ਨਾਲ ਜੁੜੇ ਰਹੋ।