📰 ਪੰਜਾਬ ਕਾਂਗਰਸ ਅੰਦਰ ਜਾਤੀ ਚਰਚਾ ਨੇ ਫੜੀ ਤਾਜ਼ਗੀ : ਚਰਨਜੀਤ ਸਿੰਘ ਚੰਨੀ ਦੇ ਬਿਆਨਨਾ ਤੋਂ ਬਾਅਦ ਅੰਦਰੂਨੀ ਸਿਆਸਤ ਗਰਮਾਈ ।

✍️ ਪੰਜਾਬ ਕਾਂਗਰਸ ਇੱਕ ਵਾਰ ਫਿਰ ਅੰਦਰੂਨੀ ਚਰਚਾਵਾਂ ਦੇ ਕੇਂਦਰ ਵਿਚਾਰ ਲਈ ਹੈ। ਇਸ ਵਾਰ ਕਾਰਨ ਬਣਿਆ ਹੈ ਸਾਬਕਾ ਮੁੱਖ ਮੰਤਰੀ ਅਤੇ ਕਾਂਗਰਸ ਦੇ ਸੀਨੀਅਰ ਨੇਤਾ ਚਰਨਜੀਤ ਸਿੰਘ ਚੰਨੀ ਦਾ ਹਾਲੀਆ ਬਿਆਨ, ਜਿਸ ਤੋਂ ਬਾਅਦ ਪਾਰਟੀ ਅੰਦਰ ਜਾਤੀ ਨਾਲ ਜੁੜੀ ਸਿਆਸਤ ਬਾਰੇ ਨਵੀਂ ਬਹਿਸ ਚੜ ਗਈ ਹੈ। ਇਹ ਮਾਮਲਾ ਸਿਰਫ ਇੱਕ ਬਿਆਨ ਤੱਕ ਸੀਮਤ ਨਹੀਂ ਦਿਸਦਾ, ਸਗੋਂ ਇਸ ਨੇ ਪਾਰਟੀ ਦੀ ਅੰਦਰੂਨੀ ਏਕਤਾ ਅਤੇ ਭਵਿੱਖੀ ਰਣਨੀਤੀ ਉੱਤੇ ਵੀ ਸਵਾਲ ਖੜੇ ਕਰ ਦਿੱਤੇ ਹਨ।

ਚਰਨਜੀਤ ਸਿੰਘ ਚੰਨੀ, ਜੋ ਪੰਜਾਬ ਦੇ ਪਹਿਲੇ ਦਲਿਤ ਮੁੱਖ ਮੰਤਰੀ ਰਹੇ ਹਨ, ਅਕਸਰ ਸਮਾਜਿਕ ਨੀਆਂ ਅਤੇ ਦਲਿਤ ਵਰਗ ਦੇ ਹੱਕਾਂ ਬਾਰੇ ਆਪਣੀ ਗੱਲ ਸਪਸ਼ਟ ਤੌਰ ‘ਤੇ ਰੱਖਦੇ ਆਏ ਹਨ। ਆਲੀਆ ਬਿਆਨ ਵਿੱਚ ਉਨ੍ਹਾਂ ਨੀ ਦਲਿਤ ਸਮਾਜ ਦੀ ਨੁਮਾਇੰਦਗੀ ਅਤੇ ਸਿਆਸਤ ਵਿੱਚ ਉਸ ਦੀ ਭੂਮਿਕਾ ਬਾਰੇ ਜਿਕਰ ਕੀਤਾ। ਪਰ ਇਸ ਬਿਆਨ ਦੀ ਵੱਖ -ਵੱਖ ਤਰੀਕਿਆਂ ਨਾਲ ਵਿਆਖਿਆ ਹੋਣ ਕਾਰਨ ਕਾਂਗਰਸ ਦੇ ਅੰਦਰ ਹੀ ਮਿਲੀ ਜੁਲੀ ਪ੍ਰਤਿਕਿਰਿਆ ਸਾਹਮਣੇ ਆਈ ਹੈ।

ਪਾਰਟੀ ਦੇ ਕੁਝ ਨੇਤਾਵਾਂ ਦਾ ਮੰਨਣਾ ਹੈ ਕਿ ਜਾਤੀ ਨਾਲ ਜੁੜੇ ਮੁੱਦੇ ਚੁੱਕਣਾ ਗਲਤ ਨਹੀਂ, ਪਰ ਇਸ ਨੂੰ ਇਸ ਢੰਗ ਨਾਲ ਪੇਸ਼ ਕੀਤਾ ਜਾਣਾ ਚਾਹੀਦਾ ਹੈ ਕਿ ਪਾਰਟੀ ਦੇ ਹੋਰ ਵਰਗ ਆਪਣੇ ਆਪ ਨੂੰ ਹਾਸਿਏ ਨਾ ਮਹਿਸੂਸ ਕਰਨ। ਉਨ੍ਹਾਂ ਅਨੁਸਾਰ, ਪੰਜਾਬ ਕਾਂਗਰਸ ਨੂੰ ਇਸ ਸਮੇਂ ਸਾਰਿਆਂ ਵਰਗਾਂ ਨੂੰ ਇਕੱਠਾ ਕਰਕੇ ਇੱਕ ਸਾਂਝੀ ਸਿਆਸੀ ਲਕੀਰ ਤੈਹ ਕਰਨ ਦੀ ਲੋੜ ਹੈ, ਨਾ ਕੀ ਅੰਦਰੂਨੀ ਤਰ੍ਹਾਂ ਨਾਲ ਵੰਡ ਪੈਦਾ ਕਰਨ ਵਾਲੀਆਂ ਚਰਚਾਵਾਂ ਦੀ।

ਦੂਜੇ ਪਾਸੇ, ਚੰਨੀ ਦੇ ਸਮਰਥਕਾਂ ਦਾ ਕਹਿਣਾ ਹੈ ਕਿ ਉਨ੍ਹਾਂ ਤੇ ਬਿਆਨ ਨੂੰ ਬੇਵਜ੍ਹਾ ਵਿਵਾਦ ਬਣਾਇਆ ਜਾ ਰਿਹਾ ਹੈ। ਉਨ੍ਹਾਂ ਅਨੁਸਾਰ, ਦਲਿਤ ਸਮਾਜ ਪੰਜਾਬ ਦੀ ਆਬਾਦੀ ਦਾ ਇੱਕ ਵੱਡਾ ਹਿੱਸਾ ਹੈ ਅਤੇ ਉਸ ਦੀ ਆਵਾਜ਼ ਨੂੰ ਉਭਾਰਨਾ ਕਾਂਗਰਸ ਦੀ ਰਵਾਇਤੀ ਸੋਚ ਨਾਲ ਮੇਲ ਖਾਂਦਾ ਹੈ। ਸਮਰਥਕ ਇਹ ਵੀ ਦਲੀਲ ਦੇ ਰਹੇ ਹਨ ਕਿ ਸਮਾਜਿਕ ਨਿਆਂ ਦੀ ਗੱਲ ਕਰਨਾ ਜਾਤੀਵਾਦ ਨਹੀਂ, ਸਗੋਂ ਸੰਵਿਧਾਨਕ ਮੁੱਲਾਂ ਦੀ ਪਾਲਣਾ ਹੈ।

ਰਾਜਨੀਤਿਕ ਵਿਸ਼ਲੇਸ਼ਕਾਂ ਦਾ ਮੰਨਣਾ ਹੈ ਕਿ ਇਹ ਘਟਨਾ ਪੰਜਾਬ ਕਾਂਗਰਸ ਦੀ ਮੌਜੂਦਾ ਹਾਲਤ ਨੂੰ ਦਰਸਾਉਂਦੀ ਹੈ। ਚੋਣੀ ਹਾਰਾ ਤੋਂ ਬਾਅਦ ਪਾਰਟੀ ਅਜੇ ਵੀ ਆਪਣੇ ਆਪ ਨੂੰ ਮੁੜ ਸੰਭਾਲਣ ਦੀ ਦੌਰ ਵਿੱਚ ਹੈ। ਅਜਿਹੇ ਸਮੇਂ ‘ਚ ਆਉਣ ਵਾਲੇ ਅੰਦਰੂਨੀ ਵਿਵਾਦ ਪਾਰਟੀ ਲਈ ਚੁਣੌਤੀ ਵੀ ਬਣ ਸਕਦੇ ਹਨ ਅਤੇ ਮੌਕਾ ਵੀ—ਜੇਕਰ ਨੇਤਿ੍ਵ ਇਨ੍ਹਾਂ ਨੂੰ ਸੰਭਾਲਣ ਵਿੱਚ ਕਾਮਯਾਬ ਰਹਿੰਦਾ ਹੈ।

ਫਿਲਹਾਲ, ਇਹ ਮਾਮਲਾ ਸਿਆਸੀ ਗਲਿਆਰਾਂ ਵਿੱਚ ਚਰਚਾ ਦਾ ਵਿਸ਼ਾ ਬਣਿਆ ਹੋਇਆ ਹੈ। ਸਭ ਦੀ ਨਜ਼ਰ ਹੁਣ ਕਾਂਗਰਸ ਦੀ ਸੂਬਾ ਤੇ ਕੇਂਦਰੀ ਲੀਡਰਸ਼ਿਪ ‘ਤੇ ਹੈ ਕਿ ਉਹ ਇਸ ਅੰਦਰੂਨੀ ਗੁੰਝਲ ਨੂੰ ਕਿਵੇਂ ਸੁਲਝਾਉਂਦੀ ਹੈ। ਇਹ ਸਪਸ਼ਟ ਹੈ ਕਿ ਆਉਣ ਵਾਲੇ ਦਿਨਾਂ ਵਿੱਚ ਪੰਜਾਬ ਕਾਂਗਰਸ ਲਈ ਏਕਤਾ ਅਤੇ ਸੰਤੁਲਨ ਬਣਾਈ ਰੱਖਣਾ ਸਭ ਤੋਂ ਵੱਡੀ ਕਸੌਟੀ ਹੋਵੇਗੀ।

👉 ਹੋਰ ਜਾਣਕਾਰੀ ਲਈ ਸਾਡੀ ਵੈੱਬਸਾਈਟ https://haqiqatepunjab.in/ ਨਾਲ ਜੁੜੇ ਰਹੋ।