📰 ਗਰੀਨਲੈਂਡ ਮਾਮਲੇ’ ਚ ਅਮਰੀਕਾ ਯੂਰੋਪ ਟਕਰਾ ਤੇਜ,ਟਰੰਪ ਵੱਲੋਂ 8 ਯੂਰੋਪ ਦੇਸ਼ਾਂ ਤੇ 10% ਟੈਰੀਫ ਦਾ ਐਲਾਨ।

✍️ ਅੰਤਰਰਾਸ਼ਟਰੀ ਰਾਜਨੀਤੀ ਅਤੇ ਵਿਸ਼ਵ ਵਪਾਰ ਵਿੱਚ ਇੱਕ ਵੱਡਾ ਭੂਚਾਲ ਉਸ ਸਮੇਂ ਆਇਆ ਜਦੋਂ ਅਮਰੀਕਾ ਦੇ ਸਾਬਕਾ ਰਾਸ਼ਟਰਪਤੀ ਡੋਨਲਡ ਟਰੰਪ ਨੇ ਯੂਰਪੀ ਦੇਸ਼ਾਂ ਤੋਂ ਆਉਣ ਵਾਲੇ ਸਮਾਨ ਤੇ 10 ਫੀਸਦੀ ਟੈਰੀਫ ਲਗਾਉਣ ਦਾ ਐਲਾਨ ਕਰ ਦਿੱਤਾ। ਇਹ ਫੈਸਲਾ ਗਰੀਨਲੈਂਡ ਨੂੰ ਲੈ ਕੇ ਚੱਲ ਰਹੇ ਵਿਵਾਦ ਨਾਲ ਜੋੜ ਕੇ ਦੇਖਿਆ ਜਾ ਰਿਹਾ ਹੈ,ਜਿਸ ਕਾਰਨ ਯੂਰੋਪ ਅਤੇ ਅਮੇਰੀਕਾ ਦੇ ਰਿਸ਼ਤਿਆਂ ਵਿੱਚ ਤਣਾਅ ਹੋਰ ਵੱਧ ਗਿਆ ਹੈ।

ਟਰੰਪ ਦੇ ਬਿਆਨ ਮੁਤਾਬਕ, ਇਹ ਯੂਰਪੀ ਦੇਸ਼ ਅਮਰੀਕਾ ਦੀ ਗਰੀਨਲੈਂਡ ਸਬੰਧੀ ਨੀਤੀ ਦਾ ਖੁੱਲ੍ਹ ਕੇ ਵਿਰੋਧ ਕਰ ਰਹੇ ਹਨ। ਇਸੇ ਕਾਰਨ, ਅਮਰੀਕਾ ਨੇ ਉਨ੍ਹਾਂ ਦੇਸ਼ਾਂ ਤੇ ਵਪਾਰ ਦਬਾਅ ਬਣਾਉਣ ਲਈ ਟਾਰਿਫ਼ ਲਗਾਉਣ ਦਾ ਫੈਸਲਾ ਕੀਤਾ ਹੈ, ਜਦਕਿ ਭਵਿੱਖ ਵਿੱਚ ਇਸਨੂੰ ਹੋਰ ਵਧਾਉਣ ਦੇ ਸੰਕੇਤ ਵੀ ਦਿੱਤੇ ਗਏ ਹਨ।

ਜਿਨ੍ਹਾਂ 8 ਯੂਰਪੀ ਦੇਸ਼ਾਂ ‘ਤੇ ਇਹ ਟੈਰਿਫ਼ ਲਾਗੂ ਹੋਵੇਗਾ, ਉਨ੍ਹਾਂ ਵਿੱਚ ਡੈਨਮਾਰਕ, ਫਰਾਂਸ,ਜਰਮਨੀ, ਯੂਨਾਈਟਡ ਕਿੰਗਡਮ,ਨਾਰਵੇ, ਸਵੀਡਨ, ਨੀਦਰਲੈਂਡ ਅਤੇ ਫਿਨਲੈਂਡ ਸ਼ਾਮਲ ਹਨ। ਖ਼ਾਸ ਕਰਕੇ ਡੈਨਮਾਰਕ ਇਸ ਮਾਮਲੇ ਦਾ ਕੇਂਦਰ ਬਣਿਆ ਹੋਇਆ ਹੈ ਕਿਉਂਕਿ ਗਰੀਨਲੈਂਡ ਉਸ ਦੇ ਅਧੀਨ ਆਉਣ ਦਾ ਖੇਤਰ ਹੈ।

ਯੂਰਪੀ ਯੂਨੀਅਨ ਦੇ ਨੇਤਾਵਾਂ ਨੇ ਟਰੰਪ ਦੇ ਇਸ ਕਦਮ ਨੂੰ “ਖਤਰਨਾਕ ਅਤੇ ਗੈਰ -ਜਿੰਮੇਵਾਰ “ ਕਰਾਰ ਦਿੱਤਾ ਹੈ। ਯੂਰਪੀ ਨੇਤਾਵਾਂ ਦਾ ਕਹਿਣਾ ਹੈ ਕਿ ਟੈਰੀਫ਼ ਜਿਹੇ ਫੈਸਲੇ ਵਿਸ਼ਵ ਵਪਾਰ ਲਈ ਨੁਕਸਾਨ ਦਾਇਕ ਹੁੰਦੇ ਹਨ ਅਤੇ ਇਸ ਨਾਲ ਆਮ ਲੋਕਾਂ ‘ਤੇ ਮਹਿੰਗਾਈ ਦਾ ਬੋਝ ਪੈਂਦਾ ਹੈ। ਉਨ੍ਹਾਂ ਨੀਚੇ ਤਾਵਣੀ ਦਿੱਤੀ ਹੈ ਕਿ ਜੇ ਇਹ ਟਕਰਾ ਵਧਿਆ ਤਾਂ ਯੂਰਪ ਵੀ ਜਵਾਬੀ ਕਾਰਵਾਈ ਕਰਨ ਲਈ ਮਜਬੂਰ ਹੋ ਸਕਦਾ ਹੈ ।

ਇਸ ਐਲਾਨ ਦਾ ਅਸਰ ਵਿਸ਼ਵ ਮਾਰਕੀਟਾਂ ‘ਤੇ ਵੀ ਦੇਖਣ ਨੂੰ ਮਿਲਿਆ। ਯੂਰਪੀ ਸ਼ੇਅਰ ਬਾਜ਼ਾਰਾਂ ਵਿੱਚ ਗਿਰਾਵਟ ਦਰਜ ਕੀਤੀ ਗਈ, ਜਦਕਿ ਮੁਦਰਾਵਾਂ ਵਿੱਚ ਵੀ ਉਥਲ -ਪੁਥਲ ਰਹੀ। ਵਪਾਰ ਮਹਿਰਾਂ ਦਾ ਮੰਨਣਾ ਹੈ ਕਿ ਜੇ ਟੈਰਿਫ਼ ਦੀ ਦਰ 25 ਫੀਸਦੀ ਤੱਕ ਵਧਾਈ ਗਈ, ਤਾਂ ਇਹ ਅੰਤਰਰਾਸ਼ਟਰੀ ਵਪਾਰ ਯੁੱਧ ਦਾ ਰੂਪ ਧਾਰ ਸਕਦਾ ਹੈ।

ਕੁੱਲ ਮਿਲਾ ਕੇ, ਟਰੰਪ ਵੱਲੋਂ ਲਗਾਇਆ ਗਿਆ ਇਹ ਟੈਰਿਫ਼ ਸਿਰਫ਼ ਆਰਥਿਕ ਫੈਸਲਾ ਨਹੀਂ, ਸਗੋਂ ਇੱਕ ਵੱਡਾ ਰਾਜਨੀਤਿਕ ਸੰਕੇਤ ਵੀ ਹੈ। ਆਉਣ ਵਾਲੇ ਦਿਨਾਂ ਵਿੱਚ ਇਹ ਦੇਖਣਾ ਦਿਲਚਸਪ ਹੋਵੇਗਾ ਕਿ ਯੂਰੋਪ ਅਤੇ ਅਮਰੀਕਾ ਵਿਚਾਲੇ ਗੱਲਬਾਤ ਰਾਹੀਂ ਹੱਲ ਨਿਕਲਦਾ ਹੈ ਜਾਂ ਇਹ ਵਿਵਾਦ ਹੋਰ ਗਹਿਰਾ ਹੁੰਦਾ ਹੈ।

👉 ਵਧੇਰੀ ਜਾਣਕਾਰੀ ਲਈ ਸਾਡੀ ਵੈੱਬਸਾਈਟ https://haqiqatepunjab.in/ ਨਾਲ ਜੁੜੇ ਰਹੋ।