🗞️ ਚਾਂਦੀ ਦੀ ਕੀਮਤ ਨੇ ਬਣਾਇਆ ਇਤਿਹਾਸ, ਸਾਰੇ ਪੁਰਾਣੇ ਰਿਕਾਰਡ ਟੁੱਟੇ ਨਿਵੇਸ਼ਕਾਂ ਵਿੱਚ ਉਤਸ਼ਾਹ।

ਅੰਤਰਰਾਸ਼ਟਰੀ ਅਤੇ ਦੇਸੀ ਬਾਜ਼ਾਰਾਂ ਵਿੱਚ ਚਾਂਦੀ ਦੀ ਕੀਮਤ ਨੇ ਇਤਿਹਾਸਿਕ ਉਚਾਈ ਛੂਹ ਲਈ ਹੈ ਹਾਲਿਆ ਦਿਨਾਂ ਵਿੱਚ ਚਾਂਦੀ ਦੀਆਂ ਕੀਮਤਾਂ ਵਿੱਚ ਆਏ ਜਬਰਦਸਤ ਉਛਾਲ ਨੇ ਸਾਰੇ ਪੁਰਾਣੇ ਰਿਕਾਰਡ ਤੋੜ ਦਿੱਤੇ ਹਨ ਇਸ ਤੇਜੀ ਨੇ ਨਾ ਸਿਰਫ ਨਿਵੇਸ਼ਕਾਂ ਨੂੰ ਹੈਰਾਨ ਕੀਤਾ ਹੈ ਸਗੋਂ ਗਹਿਣਾ ਉਦਿੋਗ ਵਪਾਰੀਆਂ ਅਤੇ ਆਮ ਗ੍ਰਾਹਕਾਂ ਦਾ ਵੀ ਧਿਆਨ ਆਪਣੇ ਖਿੱਚਿਆ ਹੈ।

ਮਾਹਿਰਾਂ ਦੇ ਅਨੁਸਾਰ, ਚਾਂਦੀ ਦੀ ਕੀਮਤ ਵਿੱਚ ਆਏ ਇਸ ਵਾਧੇ ਦੇ ਪਿੱਛੇ ਕਈ ਵੱਡੇ ਕਾਰਕ ਹਨ।ਸਭ ਤੋਂ ਪਹਿਲਾਂ ਗੱਲ ਕਰੀਏ ਉਦਯੋਗਿਕ ਮੰਗ ਦੀ।ਅੱਜ ਦੇ ਸਮੇਂ ਵਿੱਚ ਚਾਂਦੀ ਦੀ ਵਰਤੋਂ ਸਿਰਫ਼ ਗਹਿਣਿਆਂ ਤੱਕ ਸੀਮਿਤ ਨਹੀਂ ਰਹੀ, ਸਗੋਂ ਇੱਹ ਸੋਲਰ ਪੈਨਲ, ਇਲੈਕਟ੍ਰਾਨਿਕ ਉਪਕਰਨ,ਬੈਟਰੀਆਂ ਅਤੇ ਮੈਡੀਕਲ ਸੈਕਟਰ ਵਿੱਚ ਵੀ ਵੱਡੇ ਪੱਧਰ ਤੇ ਵਰਤੀ ਜਾ ਰਹੀ ਹੈ। ਖਾਸ ਕਰਕੇ ਗਰੀਨ ਐਨਰਜੀ ਅਤੇ ਸੋਲਰ ਪਾਵਰ ਪ੍ਰੋਜੈਕਟਾਂ ਵਿੱਚ ਤੇਜ਼ੀ ਨਾਲ ਵਾਧਾ ਹੋਣ ਕਾਰਨ ਚਾਂਦੀ ਦੀ ਮੰਗ ਲਗਾਤਾਰ ਵੱਧ ਰਹੀ ਹੈ।

ਇਸ ਤੋਂ ਇਲਾਵਾ, ਵਿਸ਼ਵ ਭਰ ਵਿੱਚ ਮਹਿੰਗਾਈ ਅਤੇ ਆਰਥਿਕ ਅਨਿਸਚਿਤਤਾ ਵੀ ਚਾਂਦੀ ਦੀ ਕੀਮਤ ਨੂੰ ਉੱਪਰ ਲੈ ਜਾਣ ਵਾਲਾ ਮੁੱਖ ਕਾਰਨ ਮੰਨੀ ਜਾ ਰਹੀ ਹੈ। ਜਦੋਂ ਵੀ ਸ਼ੇਅਰ ਬਾਜ਼ਾਰਾਂ ਵਿੱਚ ਉਤਾਰ ਚੜਾਵ ਆਉਂਦਾ ਹੈ ਜਾਂ ਮੁਦਰਾ ਦੀ ਕੀਮਤ ਵਿੱਚ ਗਿਰਾਵਟ ਹੁੰਦੀ ਹੈ,ਤਾਂ ਨਿਵੇਸ਼ਕ ਸੁਰਖਿਅਤ ਵਿਕਲਪਾਂ ਵੱਲ ਮੁੜਦੇ ਹਨ। ਅਜਿਹੇ ਹਾਲਾਤਾਂ ਵਿੱਚ ਸੋਨੇ ਦੇ ਨਾਲ- ਨਾਲ ਚਾਂਦੀ ਨੂੰ ਵੀ ਇੱਕ ਭਰੋਸੇਮੰਦ ਨਿਵੇਸ਼ ਮੰਨਿਆ ਜਾਂਦਾ ਹੈ।

ਡਾਲਰ ਦੀ ਮਜ਼ਬੂਤੀ ਅਤੇ ਬਿਆਜ ਦਰਾਂ ਵਿੱਚ ਬਦਲਾਅ ਵੀ ਚਾਂਦੀ ਦੀ ਕੀਮਤ’ ਤੇ ਸਿੱਧਾ ਅਸਰ ਪਾ ਰਹੇ ਹਨ। ਜਦੋਂ ਡਾਲਰ ਕਮਜ਼ੋਰ ਹੁੰਦਾ ਹੈ, ਤਾਂ ਕੀਮਤੀ ਧਾਤਾਂ ਦੀ ਮੰਗ ਵੱਧ ਜਾਂਦੀ ਹੈ ਜਿਸ ਨਾਲ ਚਾਂਦੀ ਦੀ ਕੀਮਤ ਵਿੱਚ ਚੜਾਅ ਵੇਖਣ ਨੂੰ ਮਿਲਦਾ ਹੈ।ਇਸ ਸਮੇਂ ਵਿਸ਼ਵ ਆਰਥਿਕ ਹਾਲਾਤਾਂ ਕਰਕੇ ਨਿਵੇਸ਼ਕ ਚਾਂਦੀ ਵੱਧ ਰੁਝਾਨ ਦਿਖਾ ਰਹੇ ਹਨ।

ਦੇਸੀ ਬਾਜ਼ਾਰ ਦੀ ਗੱਲ ਕਰੀਏ ਤਾਂ ਵਿਆਹਾ ਦੇ ਸੀਜ਼ਨ ਅਤੇ ਤਿਉਹਾਰਾਂ ਦੀ ਮੰਗ ਨੇ ਵੀ ਚਾਂਦੀ ਦੀ ਕੀਮਤ ਨੂੰ ਸਹਾਰਾ ਦਿੱਤਾ ਹੈ। ਗਹਿਣਾ ਵਪਾਰੀਆਂ ਦਾ ਕਹਿਣਾ ਹੈ ਕਿ ਕੀਮਤਾਂ ਵਧਣ ਦੇ ਬਾਵਜੂਦ ਲੋਕ ਚਾਂਦੀ ਦੇ ਸਿੱਕੇ,ਗਹਿਣੇ ਅਤੇ ਬਰਤਨ ਖਰੀਦਣ ਵਿੱਚ ਰੁਚੀ ਦਿਖਾ ਰਹੇ ਹਨ,ਕਿਉਂਕਿ ਉਹ ਇਸਨੂੰ ਭਵਿੱਖ ਲਈ ਲਾਭਕਾਰੀ ਨਿਵੇਸ਼ ਮੰਨਦੇ ਹਨ।

ਮਾਹਿਰਾਂ ਦਾ ਮੰਨਣਾ ਹੈ ਕਿ ਆਉਣ ਵਾਲੇ ਸਮੇਂ ਵਿੱਚ ਵੀ ਚਾਂਦੀ ਦੀ ਕੀਮਤ ਵਿੱਚ ਉਤਾਰ ਚੜਾਅ ਜਾਰੀ ਰਹਿ ਸਕਦਾ ਹੈ। ਹਾਲਾਂਕਿ, ਲੰਬੇ ਸਮੇਂ ਦੀ ਨਿਵੇਸ਼ ਰਣਨੀਤੀ ਅਪਣਾਉਣ ਵਾਲਿਆਂ ਲਈ ਚਾਂਦੀ ਹਾਲੇ ਵੀ ਇੱਕ ਮਜ਼ਬੂਤ ਵਿਕਲਪ ਬਣੀ ਹੋਈ ਹੈ। ਇਸ ਤਰ੍ਹਾਂ, ਚਾਂਦੀ ਨੇ ਇੱਕ ਵਾਰ ਫਿਰ ਸਾਬਿਤ ਕਰ ਦਿੱਤਾ ਹੈ ਕਿ ਇਹ ਸਿਰਫ ਧਾਤ ਨਹੀਂ, ਸਗੋਂ ਨਿਵੇਸ਼ ਦੀ ਦੁਨੀਆ ਵਿੱਚ ਇੱਕ ਮਹਤਵਪੂਰਨ ਭੂਮਿਕਾ ਨਿਭਾ ਰਹੀ ਹੈ।

👉 ਵਧੇਰੀ ਜਾਣਕਾਰੀ ਲਈ ਸਾਡੀ ਵੈੱਬਸਾਈਟ https://haqiqatepunjab.in/ਨਾਲ ਜੁੜੇ ਰਹੋ।