📰” ਸਾਂਸਦ ਤੋਂ ਸੜਕਾਂ ਤੱਕ : ਰਾਗਵ ਚੱਡਾ ਦਾ ਡਿਲੀਵਰੀ ਰਾਈਡਰ ਬਣਨਾ- ਗਿਗ ਵਰਕਰਾਂ ਦੀ ਆਵਾਜ਼ ? “

✍️ ਦੇਸ਼ ਦੀ ਸਿਆਸਤ ਵਿੱਚ ਅਕਸਰ ਨੇਤਾ ਏਸੀ ਕਮਰਿਆਂ ਅਤੇ ਸੰਸਦੀ ਬਹਿਸਾਂ ਤੱਕ ਹੀ ਸੀਮਤ ਰਹਿੰਦੇ ਹਨ, ਪਰ ਆਮ ਆਦਮੀ ਪਾਰਟੀ ਦੇ ਰਾਜ ਸਭਾ ਮੈਂਬਰ ਰਾਗਵ ਚੱਡਾ ਨੇ ਇਸ ਧਾਰਣਾ ਨੂੰ ਤੋੜਨ ਦੀ ਕੋਸ਼ਿਸ਼ ਕੀਤੀ ਹੈ। ਹਾਲ ਹੀ ਵਿੱਚ ਰਾਘਵ ਚੱਡਾ ਨੇ ਇੱਕ ਦਿਨ ਲਈ ਆਨਲਾਈਨ ਗਰੋਸਰੀ ਕੰਪਨੀ ਬਲਿੰਕਟ ਦੇ ਡਿਲੀਵਰੀ ਰਾਈਡਰ ਦੀ ਭੂਮਿਕਾ ਨਿਭਾਈ, ਜਿਸ ਨਾਲ ਗਿਗ ਇਕੋਨੋਮੀ ਵਿੱਚ ਕੰਮ ਕਰ ਰਹੇ ਲੱਖਾਂ ਨੌਜਵਾਨਾਂ ਦੀਆਂ ਮੁਸ਼ਕਲਾਂ ਮੁੜ ਚਰਚਾ ਵਿੱਚ ਆ ਗਈਆਂ ਹਨ।

ਰਾਘਵ ਚੱਡਾ ਨੂੰ ਬਲਿੰਕਟ ਦੀ ਯੂਨੀਫਾਰਮ ਵਿੱਚ, ਸੜਕਾਂ ਤੇ ਸਕੂਟਰ ਚਲਾਉਂਦੇ ਅਤੇ ਆਰਡਰ ਡਿਲੀਵਰ ਕਰਦੇ ਦੇਖਿਆ ਗਿਆ। ਉਨਾਂ ਨੇ ਸਟੋਰ ਤੇ ਸਮਾਨ ਇਕੱਠਾ ਕੀਤਾ, ਟਰੈਫਿਕ ਦਾ ਸਾਹਮਣਾ ਕੀਤਾ ਅਤੇ ਗ੍ਰਾਹਕਾਂ ਦੇ ਘਰਾਂ ਤੱਕ ਪਹੁੰਚ ਕੇ ਡਿਲੀਵਰੀ ਦੀ ਇਥੇ ਲਿਖਿਆ ਡਿਲੀਵਰੀ ਕੀਤੀ। ਇਸ ਤਜਰਬੇ ਨੂੰ ਉਨਾਂ ਨੇ ਆਪਣੇ ਸੋਸ਼ਲ ਮੀਡੀਆ ਤੇ ਸਾਂਝਾ ਕੀਤਾ, ਜਿਸ ਨਾਲ ਲੋਕਾਂ ਵਿੱਚ ਕਾਫੀ ਚਰਚਾ ਸ਼ੁਰੂ ਹੋ ਗਈ ਹੈ।

ਰਾਘਵ ਚੱਡਾ ਦਾ ਕਹਿਣਾ ਹੈ ਕਿ ਉਹ ਸਿਰਫ ਕਾਗਜ਼ੀ ਨੀਤੀਆਂ ਨਹੀਂ, ਸਗੋਂ ਜ਼ਮੀਨੀ ਹਕੀਕਤ ਨੂੰ ਸਮਝਣਾ ਚਾਹੁੰਦੇ ਹਨ।ਡਿਲੀਵਰੀ ਰਾਈਡਰਾਂ ਨੂੰ ਲੰਬੇ ਸਮੇਂ ਤੱਕ ਕੰਮ ਕਰਨਾ ਪੈਂਦਾ ਹੈ, ਟਰੈਫਿਕ, ਮੌਸਮ ਅਤੇ ਸਮੇਂ ਦੇ ਦਬਾਅ ਨਾਲ ਜੂਝਣਾ ਪੈਂਦਾ ਹੈ,। ਪਰ ਇਸ ਦੇ ਬਾਵਜੂਦ ਉਹਨਾਂ ਨੂੰ ਨਾ ਪੂਰੀ ਸੁਰੱਖਿਆ ਮਿਲਦੀ ਹੈ ਅਤੇ ਨਾ ਹੀ ਯਕੀਨੀ ਕਮਾਈ ਅੱਜ ਦੇ ਸਮੇਂ ਵਿੱਚ 10 ਤੋਂ 15 ਘੰਟੇ ਕੰਮ ਕਰਨਾ ਗਿਗ ਵਰਕਰਾਂ ਲਈ ਆਮ ਗੱਲ ਬਣ ਚੁੱਕੀ ਹੈ। ਤੇਜ਼ ਡਿਲੀਵਰੀ ਦੇ ਦਬਾਅ ਕਾਰਨ ਕਈ ਵਾਰ ਹਾਦਸਿਆਂ ਦਾ ਖਤਰਾ ਵੀ ਵੱਧ ਜਾਂਦਾ ਹੈ। ਰਾਘਵ ਚੱਡਾ ਨੇ ਇਸ ਮੁੱਦੇ ਤੇ ਪਹਿਲਾਂ ਵੀ ਸੰਸਦ ਵਿੱਚ ਸਵਾਲ ਉਠਾਏ ਹਨ ਅਤੇ 10 ਮਿੰਟ ਡਿਲੀਵਰੀ ਮਾਡਲ ‘ਤੇ ਸਖਤ ਨਿਯਮ ਬਣਾਉਣ ਦੀ ਮੰਗ ਕੀਤੀ ਹੈ।

ਸਿਆਸੀ ਮਾਹਿਰਾਂ ਦਾ ਮੰਗਣਾ ਹੈ ਕੀ ਇਹ ਕਦਮ ਸਿਰਫ ਪ੍ਰਤੀਕਾਤਮਕ ਨਹੀਂ, ਸਗੋਂ ਇੱਕ ਸੁਨੇਹਾ ਹੈ ਕਿ ਨੇਤਾਵਾਂ ਨੂੰ ਲੋਕਾਂ ਦੀ ਜ਼ਿੰਦਗੀ ਨੂੰ ਸਮਝਣਾ ਚਾਹੀਦਾ ਹੈ ਹਾਲਾਂਕਿ ਵਿਰੋਧੀ ਪੱਖ ਇਸ ਨੂੰ ਪਬਲੀਸਿਟੀ ਸਟੰਟ ਵੀ ਕਹਿ ਰਹੇ ਹਨ,ਪਰ ਇਹ ਗੱਲ ਪੈ ਹੈ ਕਿ ਇਸ ਨਾਲ ਗਿੱਗ ਵਰਕਰਾਂ ਦੇ ਹੱਕਾਂ ਬਾਰੇ ਚਰਚਾ ਨੂੰ ਨਵੀਂ ਦਿਸ਼ਾ ਮਿਲੀ ਹੈ।

ਅੰਤ ਵਿਚ ਰਾਘਵ ਚੱਡਾ ਦਾ ਡਿਲੀਵਰੀ ਰਾਈਡਰ ਬਣਨਾ ਇੱਕ ਸਵਾਲ ਛੱਡਦਾ ਹੈ -ਕੀ ਇਹ ਅਨੁਭਵ ਨੀਤੀਆਂ ਵਿੱਚ ਬਦਲਾ ਲਿਆਵੇਗਾ ਜਾਂ ਸਿਰਫ ਇੱਕ ਦਿਨ ਦੀ ਕਹਾਣੀ ਬਣ ਕੇ ਰਹਿ ਜਾਵੇਗਾ? ਦੇਸ਼ ਦੀ ਨੌਜਵਾਨ ਗੀ ਵਰਕ ਫੋਰਸ ਹੁਣ ਇਸਦਾ ਜਵਾਬ ਉਡੀਕ ਰਹੀ ਹੈ।

👉 ਵਧੇਰੀ ਜਾਣਕਾਰੀ ਲਈ ਸਾਡੀ ਵੈਬਸਾਈਟ https://haqiqatepunjab.in/ ਨਾਲ ਜੁੜੇ ਰਹੋ।