📰 ਭਾਰਤ -ਯੂਰਪੀ ਸੰਘ ਵਿਚਕਾਰ ‘ਮਦਰ ਆਫ ਆਲ ਡੀਲਜ਼ ਦੇ ਨੇੜੇ ਪਹੁੰਚੀ ਵਪਾਰਕ ਸਾਂਝ,ਸਮਝੌਤਾ ਫਾਈਨਲ ਹੋਣ ਦੀ ਤਿਆਰੀ।

ਭਾਰਤ ਅਤੇ ਯੂਰਪੀ ਸੰਘ (EU) ਦਰਮਿਆਨ ਚੱਲ ਰਹੀਆਂ ਵਪਾਰਕ ਗੱਲਬਾਤਾਂ ਹੁਣ ਇੱਕ ਅਹਿਮ ਮੋੜ’ ਤੇ ਪਹੁੰਚ ਗਈਆਂ ਹਨ। ਦੋਹਾਂ ਪੱਖਾਂ ਵੱਲੋਂ ਪ੍ਰਸਤਾਵਿਤ ਮੁਕਤ ਵਪਾਰ ਸਮਝੌਤੇ ਨੂੰ ਕਈ ਮਾਹਿਰ ‘ਮਦਰ ਆਫ ਆਲ ਡੀਲਜ਼’ ਕਰਾਰ ਦੇ ਰਹੇ ਹਨ। ਤਾਜ਼ਾ ਸੰਕੇਤਾਂ ਮੁਤਾਬਕ ਇਹ ਵੱਡਾ ਆਰਥਿਕ ਸਮਝੌਤਾ ਹੁਣ ਫਾਈਨਲ ਪੜਾਅ ਵਿੱਚ ਦਾਖਲ ਹੋ ਚੁੱਕਾ ਹੈ।

ਭਾਰਤ ਅਤੇ ਈਯੂ ਵਿਚਕਾਰ ਇਹ ਸਮਝੌਤਾ ਸਿਰਫ਼ ਵਪਾਰ ਤਕ ਸੀਮਿਤ ਨਹੀਂ ਰਹੇਗਾ, ਸਗੋਂ ਨਿਵੇਸ਼,ਤਕਨੀਕ, ਸੇਵਾਵਾਂ,ਉਦਯੋਗ ਅਤੇ ਰੋਜਗਾਰ ਦੇ ਨਵੇਂ ਮੌਕੇ ਵੀ ਪੈਦਾ ਕਰੇਗਾ।ਦੋਹਾਂ ਪੱਖਾਂ ਦੀ ਕੋਸ਼ਿਸ਼ ਹੈ ਕਿ ਲੰਮੇ ਸਮੇਂ ਤੋਂ ਚੱਲ ਰਹੀਆਂ ਗੱਲਬਾਤਾਂ ਨੂੰ ਹੁਣ ਨਤੀਜੇ ਤੱਕ ਲਿਆਇਆ ਜਾਵੇ,ਤਾਂ ਜੋ ਵਿਸ਼ਵ ਆਰਥਿਕ ਅਣਸਚਿਤਤਾ ਦੀ ਦੌਰ ਵਿੱਚ ਮੌਜੂਦ ਸਾਂਝ ਬਣ ਸਕੇ।

ਸਰਕਾਰੀ ਸਤਰ’ ਤੇ ਮਿਲ ਰਹੀ ਜਾਣਕਾਰੀ ਅਨੁਸਾਰ,ਵਪਾਰਕ ਰੁਕਾਵਟਾਂ ਘਟਾਉਣ, ਟ੍ਰੈਫਿਕ ਵਿੱਚ ਛੂਟ ਅਤੇ ਮਾਰਕੀਟ ਤੱਕ ਪਹੁੰਚ ਵਰਗੇ ਮੁੱਦਿਆਂ’ ਤੇ ਦੋਹਾਂ ਪੱਖਾਂ ਨੂੰ ਕਾਫੀ ਹੱਦ ਤੱਕ ਸਹਿਮਤੀ ਬਣ ਚੁੱਕੀ ਹੈ। ਭਾਰਤ ਦੀ ਮੰਗ ਹੈ ਕਿ ਉਸਦੇ ਉਦਯੋਗਾਂ ਅਤੇ ਖੇਤੀਬਾੜੀ ਉਤਪਾਦਾਂ ਨੂੰ ਯੂਰਪੀ ਮਾਰ ਕੇ ਮਾਰਕੀਟ ਵਿੱਚ ਵਧੀਆ ਮੌਕੇ ਮਿਲਣ, ਜਦਕਿ ਈਯੂ ਟੈਕਨੋਲੋਜੀ,ਗ੍ਰੀਨ ਐਨਰਜੀ ਅਤੇ ਸੇਵਾਵਾਂ ਖੇਤਰ ਵਿੱਚ ਸਹਿਯੋਗ ਨੂੰ ਤਰਜੀਹ ਦੇ ਰਿਹਾ ਹੈ।

ਮਾਹਿਰਾਂ ਦਾ ਮੰਨਣਾ ਹੈ ਕਿ ਇਹ ਸਮਝੌਤਾ ਭਾਰਤ ਦੀ ਅਰਥਵਿਵਸਥਾ ਲਈ ਇਕ ਵੱਡਾ ਬ੍ਰੈਕ ਸਾਬਿਤ ਹੋ ਸਕਦਾ ਹੈ। ਯੂਰਪੀ ਸੰਘ ਭਾਰਤ ਦੇ ਸਭ ਤੋਂ ਵੱਡੇ ਵਪਾਰਕ ਸਾਥੀਆਂ ਵਿੱਚੋਂ ਇੱਕ ਹੈ ਅਤੇ ਇਸ ਡੀਲ ਨਾਲ ਦੋਹਾਂ ਪੱਖਾਂ ਵਿਚਕਾਰ ਵਪਾਰਕ ਲੈਣ- ਦੇਣ ਵਿੱਚ ਤੇਜ਼ੀ ਆਉਣ ਦੀ ਉਮੀਦ ਹੈ। ਨਾਲ ਹੀ ਭਾਰਤੀ ਕੰਪਨੀਆਂ ਲਈ ਯੂਰਪ ਵਿੱਚ ਨਿਵੇਸ਼ ਅਤੇ ਵਿਸਥਾਰ ਦੇ ਨਵੇਂ ਰਸਤੇ ਖੁੱਲ ਸਕਦੇ ਹਨ।

ਵਿਸ਼ਲੇਸ਼ਕਾਂ ਅਨੁਸਾਰ, ਭੂ- ਰਾਜਨੀਤਕ ਤਬਦੀਲੀਆਂ ਅਤੇ ਵਿਸ਼ਵ ਵਪਾਰ ਵਿੱਚ ਆ ਰਹੀਆਂ ਚੁਣੌਤੀਆਂ ਦੇ ਮੱਦੇਨਜ਼ਰ ਭਾਰਤ -ਈਯੂ ਦੀ ਇਹ ਸਾਂਝ ਰਣਨੀਤਿਕ ਤੌਰ’ ਤੇ ਵੀ ਬਹੁਤ ਮਹੱਤਵਪੂਰਨ ਹੈ। ਇਹ ਸਮਝੌਤਾ ਨਾ ਸਿਰਫ਼ ਆਰਥਿਕ ਅਸਥਿਰਤਾ ਵਧਾਏਗਾ,ਸਗੋਂ ਦੋਹਾਂ ਖੇਤਰਾਂ ਵਿਚਕਾਰ ਭਰੋਸੇ ਅਤੇ ਲੰਮੇ ਸਮੇਂ ਦੀ ਸਾਂਝ ਨੂੰ ਵੀ ਮਜਬੂਤ ਕਰੇਗਾ।

ਹਾਲਾਂਕਿ, ਕੁਝ ਮੁੱਦਿਆਂ’ ਤੇ ਅਜੇ ਵੀ ਆਖ਼ਰੀ ਸਹਿਮਤੀ ਬਣਨੀ ਬਾਕੀ ਦੱਸੀ ਜਾ ਰਹੀ ਹੈ, ਪਰ ਦੋਹਾਂ ਪੱਖਾਂ ਵੱਲੋਂ ਸਕਾਰਾਤਮਕ ਸੰਕੇਤ ਮਿਲ ਰਹੇ ਹਨ। ਜੇਕਰ ਇਹ ਸਮਝੌਤਾ ਫਾਈਨਲ ਹੋ ਜਾਂਦਾ ਹੈ,ਤਾਂ ਇਹ ਭਾਰਤ ਦੇ ਇਤਿਹਾਸ ਦੇ ਸਭ ਤੋਂ ਵੱਡੇ ਅੰਤਰਰਾਸ਼ਟਰੀ ਵਪਾਰਕ ਸਮਝੌਤਿਆਂ ਵਿੱਚੋਂ ਇੱਕ ਮੰਨਿਆ ਜਾਵੇਗਾ।

👉 ਵਧੇਰੀ ਜਾਣਕਾਰੀ ਲਈ ਸਾਡੀ ਵੈੱਬਸਾਈਟ https://haqiqatepunjab.in/ਨਾਲ ਜੁੜੇ ਰਹੋ।