📰 ਬੱਚਿਆਂ ਦੀ ਸਿਹਤ ਲਈ ਵੱਡੀ ਚੇਤਾਵਨੀ:MoPH ਨੇ Nestlé ਇਫੈਂਟ ਮਿਲਕ ਦੇ ਕੁਝ ਬੈਚਾ ਤੋਂ ਬੱਚੇ ਰਹਿਣ ਦੀ ਅਪੀਲ ਕੀਤੀ।

✍️ ਸਿਹਤ ਮੰਤਰਾਲੇ ( Ministry of Public Health -MoPH) ਵੱਲੋਂ ਬੱਚਿਆਂ ਦੀ ਸੁਰੱਖਿਆ ਨੂੰ ਧਿਆਨ ਵਿੱਚ ਰੱਖਦਿਆਂ ਇੱਕ ਮਹੱਤਵਪੂਰਨ ਚੇਤਾਵਣੀ ਜਾਰੀ ਕੀਤੀ ਗਈ ਹੈ। ਇਸ ਚੇਤਾਵਨੀ ਅਨੁਸਾਰ Nestlé ਕੰਪਨੀ ਦੇ ਬੱਚਿਆਂ ਲਈ ਬਣੇ ਕੁਝ ਦੁੱਧ ਦੇ ਖਾਸ ਬੈਚਾਂ ਨੂੰ ਵਰਤਣ ਤੋਂ ਮਾਪਿਆਂ ਅਤੇ ਦੇਖਭਾਲ ਕਰਨ ਵਾਲਿਆਂ ਨੂੰ ਸਖ਼ਤ ਤੌਰ ‘ਤੇ ਮਨ੍ਹਾ ਕੀਤਾ ਗਿਆ ਹੈ।

MoPH ਦਾ ਕਹਿਣਾ ਹੈ ਕਿ ਇਹ ਕਦਮ ਸਾਵਧਾਨੀ ਦੇ ਤੌਰ ‘ਤੇ ਲਿਆ ਗਿਆ ਹੈ ਕਿਉਂਕਿ ਕੁਝ ਬੈਚਾਂ ਵਿੱਚ ਬੈਕਟੀਰੀਆ bacillus cereus ਨਾਲ ਸੰਬੰਧਿਤ ਜਹਿਰੀਲੇ ਤੱਤ ( toxin) ਹੋਣ ਦਾ ਸ਼ੱਕ ਪਾਇਆ ਗਿਆ ਹੈ। ਇਹ toxin ਛੋਟੇ ਬੱਚਿਆਂ ਲਈ ਖਤਰਨਾਕ ਹੋ ਸਕਦੇ ਹਨ ਅਤੇ ਉਲਟੀ ਪੇਟ ਦਰਦ ਜਾਂ ਖਾਣੇ ਨਾਲ ਸੰਬੰਧਿਤ ਬਿਮਾਰੀਆਂ ਦਾ ਕਾਰਨ ਬਣ ਸਕਦੇ ਹਨ।

ਸਿਹਤਮੰਦ ਤਰਾਲੇ ਨੇ ਸਪਸ਼ਟ ਕੀਤਾ ਹੈ ਕਿ ਇਹ ਸਾਰੇ ਉਤਪਾਦ ਤੁਰੰਤ ਮਾਰਕੀਟ ਤੋਂ ਹਟਾਏ ਜਾ ਰਹੇ ਹਨ, ਅਤੇ ਲੋਕਾਂ ਨੂੰ ਅਪੀਲ ਕੀਤੀ ਗਈ ਹੈ ਕਿ ਆਪਣੇ ਘਰਾਂ ਵਿੱਚ ਮੌਜੂਦ Nestlé ਇਫੈਂਟ ਫਾਰਮੂਲਾ ਦੇ ਬੈਚ ਨੰਬਰ ਧਿਆਨ ਨਾਲ ਚੈੱਕ ਕਰਨ। ਜੇਕਰ ਉਹ ਬੈਚ ਪ੍ਰਭਾਵਿਤ ਸੂਚੀ ਵਿੱਚ ਸ਼ਾਮਿਲ ਹੋਵੇ, ਤਾਂ ਉਸ ਦੁੱਧ ਨੂੰ ਬੱਚੇ ਨੂੰ ਨਾ ਪਿਲਾਇਆ ਜਾਵੇ।

MoPH ਨੇ ਇਹ ਵੀ ਕਿਹਾ ਹੈ ਕਿ ਪ੍ਰਭਾਵਿਤ ਉਤਪਾਦ ਨੂੰ ਖਰੀਦਦਾਰੀ ਵਾਲੀ ਥਾਂ ‘ਤੇ ਵਾਪਸ ਕੀਤਾ ਜਾ ਸਕਦਾ ਹੈ ਜਾਂ ਫਿਰ ਸੁਰੱਖਿਅਤ ਢੰਗ ਨਾਲ ਨਸ਼ਟ ਕੀਤਾ ਜਾਵੇ। ਸਿਹਤ ਅਧਿਕਾਰੀਆਂ ਮੁਤਾਬਕ, ਹੁਣ ਤੱਕ ਕਿਸੇ ਵੀ ਬੱਚੇ ਦੇ ਬੀਂਮਾਰ ਹੋਣ ਦੀ ਪੁਸ਼ਟੀ ਨਹੀਂ ਹੋਈ, ਪਰ ਫਿਰ ਵੀ ਬੱਚਿਆਂ ਦੀ ਸਿਹਤ ਨੂੰ ਪਹਿਲ ਦੇਣ ਲਈ ਇਹ ਕਦਮ ਚੁੱਕਿਆ ਗਿਆ ਹੈ।

ਇਹ ਮਾਮਲਾ ਸਿਰਫ ਕਤਰ ਤੱਕ ਸੀਮਤ ਨਹੀਂ ਹੈ। ਖਾੜੀ ਖੇਤਰ ਦੇ ਹੋਰ ਦੇਸ਼ਾਂ ਜਿਵੇਂ ਕਿ (UAE) ਅਤੇ Saudi Arab ਵਿੱਚ ਵੀ Nestlé ਦੇ ਕੁਝ ਇਫੈਕਟ ਫਾਰਮੂਲਾ ਉਤਪਾਦਾਂ ਨੂੰ ਲੈ ਕੇ ਸਾਵਧਾਨੀ ਜਾਰੀ ਕੀਤੀ ਗਈ ਹੈ। ਸਾਰੇ ਦੇਸ਼ ਆਪਸੀ ਤਾਲਮੇਲ ਨਾਲ ਇਸ ਮਾਮਲੇ ਦੀ ਜਾਂਚ ਕਰ ਰਹੇ ਹਨ।

ਸਿਹਤ ਮੰਤਰਾਲੇ ਨੇ ਮਾਪਿਆਂ ਨੂੰ ਅਪੀਲ ਕੀਤੀ ਹੈ ਕਿ ਉਹ ਅਫਵਾਹਾਂ ‘ਤੇ ਭਰੋਸਾ ਨਾ ਕਰਨ, ਸਗੋਂ ਸਿਰਫ ਸਰਕਾਰੀ ਸੂਤਰਾਂ ਤੋਂ ਮਿਲੀ ਜਾਣਕਾਰੀ ਨੂੰ ਹੀ ਧਿਆਨ ਵਿੱਚ ਰੱਖਣ। MoPH ਨੇ ਇਹ ਵੀ ਦੱਸਿਆ ਹੈ ਕਿ Nestlé ਦੇ ਸਾਰੇ ਉਤਪਾਦ ਖ਼ਤਰਨਾਕ ਨਹੀਂ ਹਨ, ਸਿਰਫ ਕੁਝ ਨਿਰਧਾਰਤ ਬੈਚ ਹੀ ਇਸ ਚੇਤਾਵਣੀ ਦੇ ਦਾਇਰੇ ਵਿੱਚ ਆਉਂਦੇ ਹਨ।

ਅੰਤ ਵਿੱਚ, ਸਿਹਤ ਅਧਿਕਾਰੀਆਂ ਦਾ ਕਹਿਣਾ ਹੈ ਕਿ ਬੱਚਿਆਂ ਦੀ ਸੁਰੱਖਿਆ ਸਭ ਤੋਂ ਵੱਡੀ ਤਰਜੀਹ ਹੈ, ਅਤੇ ਲੋਕਾਂ ਦਾ ਸਹਿਯੋਗ ਇਸ ਤਰ੍ਹਾਂ ਦੇ ਮਾਮਲਿਆਂ ਵਿੱਚ ਬਹੁਤ ਜਰੂਰੀ ਹੈ। ਅੱਗੇ ਵੀ ਇਸ ਮਾਮਲੇ ‘ਤੇ ਨਵੀਨਤਮ ਜਾਣਕਾਰੀ ਚੈਨਲਾ ਰਾਹੀਂ ਜਾਰੀ ਕੀਤੀ ਜਾਵੇਗੀ।

👉 ਵਧੇਰੀ ਜਾਣਕਾਰੀ ਲਈ ਸਾਡੀ ਵੈੱਬਸਾਈਟ https://haqiqatepunjab.in/ ਨਾਲ ਜੁੜੇ ਰਹੋ।