📰 ਕਠੂਆ ਮੁਕਾਬਲੇ’ ਚ ਜੈਸ਼ੇ-ਏ- ਮੁਹੰਮਦ ਦਾ ਸੀਨੀਅਰ ਆਤੰਕੀ ਉਸਮਾਨ ਢੇਰ, ਸੁਰੱਖਿਆ ਬਲਾਂ ਨੇ ਦੀ ਵੱਡੀ ਸਫਲਤਾ।

ਜੰਮੂ ਕਸ਼ਮੀਰ ਦੇ ਕਠੂਆ ਜ਼ਿਲੇ ਤੋਂ ਆਈ ਤਾਜ਼ਾ ਖਬਰ ਮੁਤਾਬਕ ਭਾਰਤੀ ਸੁਰੱਖਿਆ ਬਲਾਂ ਨੂੰ ਆਤੰਕਵਾਦ ਵਿਰੁੱਧ ਇੱਕ ਵੱਡੀ ਕਾਮਯਾਬੀ ਹਾਸਿਲ ਹੋਈ ਹੈ। ਪਾਬੰਦੀਸ਼ੁਧਾ ਆਤੰਕੀ ਸੰਗਠਨ ਜੈਸ਼-ਏ- ਮੁਹੰਮਦ ਨਾ ਸੰਬੰਧਤ ਸੀਨੀਅਰ ਆਤੰਕੀ ਉਸਮਾਨ ਨੂੰ ਸੁਰੱਖਿਆ ਬਲਾਂ ਨੇ ਇੱਕ ਸੰਯੁਕਤ ਆਪਰੇਸ਼ਨ ਦੌਰਾਨ ਮਾਰ ਦਿੱਤਾ। ਇਹ ਮੁਕਾਬਲਾ ਕਠੂਆ ਜ਼ਿਲੇ ਦੇ ਬਿਲਾਵਰ ਖੇਤਰ ਵਿੱਚ ਹੋਇਆ, ਜਿੱਥੇ ਕਈ ਘੰਟਿਆਂ ਤੱਕ ਗੋਲੀਬਾਰੀ ਚਲਦੀ ਰਹੀ।

ਸੁਰਖੀਆ ਏਜੰਸੀਆਂ ਨੂੰ ਖੁਫੀਆ ਜਾਣਕਾਰੀ ਮਿਲੀ ਸੀ ਕਿ ਇੱਕ ਖਤਰਨਾਕ ਆਤਮਕੀ ਕਠੂਆ ਦੇ ਪਹਾੜੀ ਅਤੇ ਜੰਗਲਾਤੀ ਇਲਾਕੇ ਵਿੱਚ ਛੁਪਿਆ ਹੋਇਆ ਹੈ। ਇਸ ਜਾਣਕਾਰੀ ਦੇ ਆਧਾਰ’ ਤੇ ਭਾਰਤੀ ਫੌਜ ਜੰਮੂ- ਕਸ਼ਮੀਰ ਪੁਲਿਸ ਅਤੇ ਸੀ. ਆਰ.ਪੀ. ਐਫ. ਨੇ ਮਿਲ ਕੇ ਇੱਕ ਘੇਰਾਬੰਦੀ ਅਤੇ ਖੋਜ ਮੁਹਿਮ ਸ਼ੁਰੂ ਕੀਤੀ। ਜਿਵੇਂ ਹੀ ਸੁਰੱਖਿਆ ਬਲਾਂ ਨੇ ਸ਼ੱਕੀ ਥਾਂ ਨੂੰ ਘੇਰਿਆ, ਆਤੰਕੀ ਵੱਲੋਂ ਗੋਲੀਆਂ ਚਲਾਈਆਂ ਗਈਆਂ, ਜਿਸ ਤੋਂ ਬਾਅਦ ਮੁਕਾਬਲਾ ਸ਼ੁਰੂ ਹੋ ਗਿਆ।

ਮਰਨ ਵਾਲੇ ਆਤੰਕੀ ਦੀ ਪਛਾਣ ਉਸਮਾਨ ਵਜੋਂ ਹੋਈ ਹੈ, ਜਿਸ ਨੂੰ ਜੈਸ਼-ਏ- ਮੁਹੰਮਦ ਦਾ ਇੱਕ ਅਹਿਮ ਕਮਾਂਡਰ ਮੰਨਿਆ ਜਾ ਰਿਹਾ ਸੀ। ਸੁਰੱਖਿਆ ਏਜੰਸੀਆਂ ਦੇ ਅਨੁਸਾਰ, ਉਸਮਾਨ ਕਈ ਆਤੰਕੀ ਗਤੀਵਿਧੀਆਂ ਵਿੱਚ ਸ਼ਾਮਿਲ ਰਹਿ ਚੁੱਕਾ ਸੀ ਅਤੇ ਉਹ ਕਾਫੀ ਸਮੇਂ ਤੋਂ ਸੁਰੱਖਿਆ ਬਲਾਂ ਦੀ ਰਡਾਰ’ ਤੇ ਸੀ।ਦੱਸਿਆ ਜਾ ਰਿਹਾ ਹੈ ਕਿ ਉਹ ਸਰਹੱਦ ਪਾਰ ਤੋਂ ਆਏ ਆਤੰਕੀਆਂ ਦੇ ਨੈਟਵਰਕ ਨਾਲ ਹੀ ਜੁੜਿਆ ਹੋਇਆ ਸੀ।

ਮੁਕਾਬਲੇ ਦੌਰਾਨ ਇਹ ਵੀ ਸਾਹਮਣੇ ਆਇਆ ਕਿ ਅੰਤਕ ਕੀ ਨੇ ਆਪਣੇ ਆਪ ਨੂੰ ਬਚਾਉਣ ਲਈ ਨਜ਼ਦੀਕੀ ਰਿਹਾਇਸ਼ੀ ਇਲਾਕਿਆਂ ਦਾ ਸਹਾਰਾ ਲੈਣ ਦੀ ਕੋਸ਼ਿਸ਼ ਕੀਤੀ। ਹਾਲਾਂਕਿ ਸੁਰੱਖਿਆ ਬਲਾਂ ਨੇ ਬੜੀ ਸਾਵਧਾਨੀ ਨਾਲ ਕਾਰਵਾਈ ਕਰਦਿਆਂ ਨਾਗਰਿਕਾਂ ਨੂੰ ਕੋਈ ਨੁਕਸਾਨ ਨਹੀਂ ਹੋਣ ਦਿੱਤਾ ਅਤੇ ਆਖਿਰਕਾਰ ਅਤੰਕੀ ਨੂੰ ਢੇਰ ਕਰ ਦਿੱਤਾ।

ਇਸ ਕਾਰਵਾਈ ਤੋਂ ਬਾਅਦ ਪੂਰੇ ਇਲਾਕੇ ਵਿੱਚ ਤਲਾਸ਼ੀ ਮੁਹਿੰਮ ਤੇਜ਼ ਕਰ ਦਿੱਤੀ ਗਈ ਹੈ ਤਾਂ ਜੋ ਇਹ ਯਕੀਨੀ ਬਣਾਇਆ ਜਾ ਸਕੇ ਕਿ ਹੋਰ ਕੋਈ ਆਤੰਕੀ ਇਲਾਕੇ ਵਿੱਚ ਮੌਜੂਦ ਨਾ ਹੋਵੇ । ਸੁਰੱਖਿਆ ਬਲਾਂ ਨੇ ਕਿਹਾ ਹੈ ਕਿ ਆਤੰਕਵਾਦ ਵਿਰੁੱਧ ਇਹ ਮੁਹਿੰਮ ਆਉਣ ਵਾਲੇ ਦਿਨਾਂ ਵਿੱਚ ਵੀ ਜਾਰੀ ਰਹੇਗੀ।

ਰੱਖਿਆ ਵਿਸ਼ੇਸ਼ਗਿਆ ਦੇ ਅਨੁਸਾਰ, ਉਸਮਾਨ ਦੀ ਮੌਤ ਨਾਲ ਜੈਸ਼-ਏ- ਮੁਹੰਮਦ ਦੇ ਨੈਟਵਰਕ ਨੂੰ ਵੱਡਾ ਝਟਕਾ ਲੱਗਿਆ ਹੈ। ਇਹ ਆਪਰੇਸ਼ਨ ਸੁਰੱਖਿਆ ਬਲਾਂ ਦੀ ਤਿਆਰੀ, ਸਾਂਝੀ ਰਣਨੀਤੀ ਅਤੇ ਦ੍ਰਿੜ ਇਰਾਦੇ ਨੂੰ ਦਰਸਾਉਂਦਾ ਹੈ। ਸਥਾਨਕ ਲੋਕਾਂ ਨੇ ਵੀ ਇਸ ਕਾਰਵਾਈ ਨੂੰ ਸੁਰੱਖਿਆ ਲਈ ਇੱਕ ਮਹੱਤਵਪੂਰਨ ਕਦਮ ਕਰਾਰ ਦਿੱਤਾ ਹੈ।

👉 ਵਧੇਰੀ ਜਾਣਕਾਰੀ ਲਈ ਸਾਡੀ ਵੈੱਬਸਾਈਟ https://haqiqatepunjab.in/ ਨਾਲ ਜੁੜੇ ਰਹੋ।