🇺🇸 ਅਮਰੀਕਾ ਦਾ ਰਾਜ਼ਮੀ “ਡੂਮਸਡੇ ਜਹਾਜ਼” 50 ਸਾਲਾਂ ਬਾਅਦ LAX AIRPORT ‘ਤੇ ਆਇਆ ਸਾਹਮਣੇ, ਸੁਰੱਖਿਆ ਹਲਕਿਆਂ ਵਿੱਚ ਹਲਚਲ।

🗞️ ਲਾਸ ਐਂਗਲਸ ਇੰਟਰਨੈਸ਼ਨਲ ਏਅਰਪੋਰਟ(LAX) ਤੇ ਉਸ ਸਮੇਂ ਖ਼ਾਸ ਚਲਚਲਾਹਟ ਵੇਖਣ ਨੂੰ ਮਿਲੀ ਜਦੋਂ ਅਮਰੀਕਾ ਫੌਜ ਦਾ ਬਹੁਤ ਹੀ ਗੁਪਤ ਅਤੇ ਵਿਸ਼ੇਸ਼ ਜਹਾਜ਼, ਜਿਸਨੂੰ “ਡੂਮਸਡੇ ਪਲੇਨ” ਦੇ ਨਾਮ ਨਾਲ ਜਾਣਿਆ ਜਾਂਦਾ ਹੈ। ਅਚਾਨਕ ਉੱਥੇ ਲੈਂਡ ਕਰਦਾ ਨਜ਼ਰ ਆਇਆ। ਇਹ ਜਹਾਜ ਲਗਭਗ ਪੰਜ ਦਹਾਕਿਆਂ ਤੋਂ ਬਾਅਦ ਇਸ ਤਰ੍ਹਾਂ ਜਨਤਕ ਨਜ਼ਰਾਂ ਵਿੱਚ ਆਇਆ ਹੈ, ਜਿਸ ਕਾਰਨ ਸੁਰੱਖਿਆ ਮਹਿਰਾਂ ਅਤੇ ਆਮ ਲੋਕਾਂ ਵਿੱਚ ਚਰਚਾ ਤੇਜ਼ ਹੋ ਗਈ ਹੈ।

ਇਸ ਡੂਮਸਡੇ ਜਹਾਜ ਨੂੰ ਅਮਰੀਕਾ ਵੱਲੋਂ ਖਾਸ ਤੌਰ ‘ਤੇ ਪਰਮਾਣੂ ਜੰਗ ਜਾਂ ਵੱਡੀ ਕੌਮੀ ਐਮਰਜੈਂਸੀ ਦੀ ਸਥਿਤੀ ਲਈ ਤਿਆਰ ਕੀਤਾ ਗਿਆ ਹੈ। ਜੇ ਕਦੇ ਅਮਰੀਕਾ ਤੇ ਪਰਮਾਣੂ ਹਮਲਾ ਹੋ ਜਾਵੇ ਜਾਂ ਜਮੀਨ ਤੇ ਸਾਰੀ ਸੰਚਾਰ ਪ੍ਰਣਾਲੀ ਫੇਲ ਹੋ ਜਾਵੇ, ਤਾਂ ਇਸ ਜਹਾਜ ਰਾਹੀਂ ਦੇਸ਼ ਦੀ ਫੌਜੀ ਅਤੇ ਰਾਜਨੀਤਿਕ ਕਮਾਨ ਸੰਭਾਲੀ ਜਾ ਸਕਦੀ ਹੈ। ਇਸੇ ਕਰਕੇ ਇਸ ਨੂੰ “ਹਵਾਈ ਕਮਾਂਡ ਸੈਂਟਰ” ਵੀ ਕਿਹਾ ਜਾਂਦਾ ਹੈ।

ਰਿਪੋਰਟਾਂ ਮੁਤਾਬਕ, ਇਹ ਜਹਾਜ ਆਮ ਯਾਤਰੀ ਜਹਾਜਾਂ ਵਾਂਗ ਨਹੀਂ ਹੁੰਦਾ। ਇਸ ਵਿੱਚ ਉੱਚ ਪੱਧਰੀ ਸੰਚਾਰ ਸਿਸਟਮ, ਪਰਮਾਣੂ ਹਮਲੇ ਤੋਂ ਬਚਾਅ ਲਈ ਖਾਸ ਸੁਰੱਖਿਆ ਤਕਨੀਕ ਅਤੇ ਲੰਬੇ ਸਮੇਂ ਤੱਕ ਹਵਾ ਵਿੱਚ ਰਹਿਣ ਦੀ ਸਮਰੱਥਾ ਮੌਜੂਦ ਹੁੰਦੀ ਹੈ। ਇਹੀ ਕਾਰਨ ਹੈ ਕਿ ਅਜਿਹੇ ਜਹਾਜ਼ ਦੀ ਕਿਸੇ ਵੱਡੇ ਸ਼ਹਿਰ ਦੇ ਏਅਰਪੋਰਟ ‘ਤੇ ਲੈਂਡਿੰਗ ਹਮੇਸ਼ਾ ਚਰਚਾ ਦਾ ਵਿਸ਼ਾ ਬਣ ਜਾਂਦੀ ਹੈ।

LAX ‘ਤੇ ਇਸ ਜਹਾਜ ਦੀ ਮੌਜੂਦਗੀ ਤੋਂ ਬਾਅਦ ਸੋਸ਼ਲ ਮੀਡੀਆ ‘ਤੇ ਤਸਵੀਰਾਂ ਅਤੇ ਵੀਡੀਓਜ ਤੇਜ਼ੀ ਨਾਲ ਵਾਇਰਲ ਹੋ ਰਹੀਆਂ ਹਨ। ਕਈ ਲੋਕਾਂ ਨੇ ਇਸ ਨੂੰ ਮੌਜੂਦਾ ਵਿਸ਼ਵ ਪੱਧਰੀ ਤਣਾਅ ਨਾਲ ਜੋੜ ਕੇ ਦੇਖਿਆ ਹੈ,ਜਦਕਿ ਕੁਝ ਮਾਹਿਰਾਂ ਦਾ ਕਹਿਣਾ ਹੈ ਕਿ ਇਹ ਸਿਰਫ ਇੱਕ ਨਿਯਮਿਤ ਟ੍ਰੇਨਿੰਗ ਜਾਂ ਤਕਨੀਕੀ ਜਾਂਚ ਦਾ ਹਿੱਸਾ ਹੋ ਸਕਦਾ ਹੈ।

ਅਮਰੀਕੀ ਰੱਖਿਆ ਵਿਭਾਗ ਵੱਲੋਂ ਇਸ ਮਾਮਲੇ’ ਤੇ ਹਾਲੇ ਤੱਕ ਕੋਈ ਵਿਸਥਾਰ ਪੂਰਨ ਜਾਣਕਾਰੀ ਸਾਂਝੀ ਨਹੀਂ ਕੀਤੀ ਗਈ।ਹਾਲਾਂਕਿ ਸੁਰੱਖਿਆ ਵਿਸ਼ੇਲੇਸ਼਼ਕਾ ਦਾ ਮੰਨਣਾ ਹੈ ਕਿ ਅਜਿਹੇ ਜਹਾਜ਼ਾਂ ਦੀ ਗਤੀਵਿਧੀ ਕਈ ਵਾਰ ਰਣਨੀਤਿਕ ਸੰਦੇਸ਼ ਦੇਣ ਲਈ ਵੀ ਵਰਤੀ ਜਾਂਦੀ ਹੈ, ਤਾਂ ਜੋ ਦੁਨੀਆਂ ਨੂੰ ਇਹ ਦਰਸਾਇਆ ਜਾ ਸਕੇ ਕਿ ਅਮਰੀਕਾ ਹਰ ਕਿਸਮ ਦੀ ਸਥਿਤੀ ਲਈ ਤਿਆਰ ਹੈ।

ਇਹ ਘਟਨਾ ਉਸ ਸਮੇਂ ਸਾਹਮਣੇ ਆਈ ਜਦੋਂ ਦੁਨੀਆਂ ਦੇ ਕਈ ਹਿੱਸਿਆਂ ਵਿੱਚ ਭੂ -ਰਾਜਨੀਤਿਕ ਤਣਾਅ ਬਣਿਆ ਹੋਇਆ ਹੈ। ਇਸ ਕਾਰਨ ਲੋਕਾਂ ਵਿੱਚ ਚਿੰਤਾ ਵੀ ਵੇਖੀ ਜਾ ਰਹੀ ਹੈ ਕਿ ਕਿਤੇ ਇਹ ਕਿਸੇ ਵੱਡੀ ਸੁਰੱਖਿਆ ਸਥਿਤੀ ਦਾ ਸੰਕੇਤ ਤਾਂ ਨਹੀਂ। ਫਿਰ ਵੀ, ਅਧਿਕਾਰਕ ਤੌਰ ਤੇ ਇਸ ਨੂੰ ਐਮਰਜੈਂਸੀ ਨਾਲ ਜੋੜ ਕੇ ਨਹੀਂ ਵੇਖਿਆ ਗਿਆ।

ਕੁੱਲ ਮਿਲਾ ਕੇ 50 ਸਾਲਾਂ ਬਾਅਦ ਅਮਰੀਕਾ ਦੇ ਡੂਮਸਡੇ ਪਲੇਨ ਦਾ LAX ਏਅਰਪੋਰਟ’ਤੇ ਨਜ਼ਰ ਆਉਣਾ ਇੱਕ ਅਸਾਧਾਰਨ ਅਤੇ ਧਿਆਨ ਖਿੱਚਣ ਵਾਲੀ ਘਟਨਾ ਹੈ। ਇਹ ਅਮਰੀਕਾ ਦੀ ਰੱਖਿਆ ਤਿਆਰੀਆਂ ਅਤੇ ਪਰਮਾਣੂ ਸੁਰੱਖਿਆ ਪ੍ਰਣਾਲੀ ਦੀ ਗੰਭੀਰਤਾ ਨੂੰ ਦਰਸਾਉਂਦਾ ਹੈ ਅਤੇ ਦੁਨੀਆ ਭਰ ਵਿੱਚ ਇਸ ‘ਤੇ ਨਜ਼ਰ ਬਣੀ ਹੋਈ ਹੈ।

👉 ਵਧੇਰੀ ਜਾਣਕਾਰੀ ਲਈ ਸਾਡੀ ਵੈਬਸਾਈਟ https://haqiqatepunjab.in/ ਨਾਲ ਜੁੜੇ ਰਹੋ।