🇮🇳 ਗਣਤੰਤਰ ਦਿਵਸ ਦੇ ਮੁੱਖ ਮਹਿਮਾਨ : ਭਾਰਤ ਦੀ ਖਾਮੋਸ਼ ਪਰ ਪ੍ਰਭਾਵਸ਼ਾਲੀ ਕੁੱਟਨੀਤਕ ਭਾਸ਼ਾ।

ਭਾਰਤ ਵਿੱਚ ਹਰ ਸਾਲ ਮਨਾਇਆ ਜਾਣ ਵਾਲਾ ਗਣਤੰਤਰ ਦਿਵ ਸਿਰਫ ਇੱਕ ਰਾਸ਼ਟਰੀ ਤਿਉਹਾਰ ਨਹੀਂ, ਸਗੋਂ ਇਹ ਦੇਸ਼ ਦੀ ਵਿਦੇਸ਼ ਨੀਤੀ ਅਤੇ ਰਣਨੀਤਿਕ ਸੋਚ ਨੂੰ ਦਰਸਾਉਣ ਦਾ ਇੱਕ ਮਹੱਤਵਪੂਰਨ ਮੰਚ ਵੀ ਬਣ ਚੁੱਕਾ ਹੈ। ਨਵੀਂ ਦਿੱਲੀ ਵਿੱਚ ਹੋਣ ਵਾਲੀ ਸ਼ਾਨਦਾਰ ਗਣਤੰਤਰ ਦਿਵਸ ਪਰੇਡ ਦੌਰਾਨ ਕਿਸੇ ਵਿਦੇਸ਼ੀ ਨੇਤਾ ਨੂੰ ਮੁੱਖ ਮਹਿਮਾਨ ਵਜੋਂ ਸੱਦਾ ਦੇਣਾ ਹੁਣ ਰਸਮੀ ਪਰੰਪਰਾ ਨਹੀਂ ਰਹੀ, ਬਲਕਿ ਇਹ ਭਾਰਤ ਦੀ ” ਸੰਭੋਲਿਕ ਡਿਪਲੋਮੇਸੀ” ਦਮ ਮਜਬੂਤ ਸਾਧਨ ਬਣ ਗਿਆ ਹੈ।

ਇਸ ਮੁੱਖ ਮਹਿਮਾਨ ਦੀ ਚੋਣ ਰਾਹੀਂ ਭਾਰਤ ਦੁਨੀਆਂ ਨੂੰ ਬਿਨਾਂ ਸਿੱਧੇ ਸ਼ਬਦਾਂ ਵਿੱਚ ਕਹੇ ਇਹ ਸੰਦੇਸ਼ ਦਿੰਦਾ ਹੈ ਕਿ ਉਸ ਦੀਆਂ ਤਰਜੀਹਾਂ ਕੀ ਹਨ, ਕਿਹੜੇ ਦੇਸ਼ ਉਸ ਦੇ ਨਜ਼ਦੀਕੀ ਸਾਥੀ ਹਨ ਅਤੇ ਬਦਲਦੇ ਗਲੋਬਲ ਹਾਲਾਤਾਂ ਵਿੱਚ ਉਹ ਆਪਣੀ ਸਥਿਤੀ ਕਿਵੇਂ ਤੈ ਕਰ ਰਿਹਾ ਹੈ। ਗਣਤੰਤਰ ਦਿਵਸ ਦਾ ਮੌਕਾ ਇਸ ਲਈ ਵੀ ਖਾਸ ਹੈ ਕਿਉਂਕਿ ਇਹ ਭਾਰਤ ਦੇ ਸੰਵਿਧਾਨ, ਲੋਕਤੰਤਰ ਅਤੇ ਸੰਪ੍ਰਭੂਤਾ ਨਾਲ ਜੁੜਿਆ ਹੋਇਆ ਦਿਨ ਹੈ। ਅਜਿਹੇ ਦਿਨ ਕਿਸੇ ਵਿਦੇਸ਼ੀ ਨੇਤਾ ਦੀ ਮੌਜੂਦਗੀ ਆਪਸੀ ਭਰੋਸੇ ਅਤੇ ਲੰਬੇ ਸਮੇਂ ਦੇ ਸੰਬੰਧਾਂ ਦੀ ਨਿਸ਼ਾਨੀ ਹੁੰਦੀ ਹੈ।

ਪਿਛਲੇ ਕੁਝ ਸਾਲਾਂ ਦੌਰਾਨ ਮੁੱਖ ਮਹਿਮਾਨਾਂ ਦੀ ਸੂਚੀ ਨੂੰ ਵੇਖੀਏ ਤਾਂ ਸਪਸ਼ਟ ਹੁੰਦਾ ਹੈ ਕਿ ਭਾਰਤ ਆਪਣੀ ਵਿਦੇਸ਼ ਨੀਤੀ ਵਿੱਚ ” ਸਟਰੈਟਜਿਕ ਆਟੋਨੋਮੀ ” ਨੌ ਮਹੱਤਵ ਦੇ ਰਿਹਾ ਹੈ। ਕਦੇ ਪੱਛਮੀ ਦੇਸ਼ਾਂ ਦੇ ਨੇਤਾ, ਕਦੇ ਏਸ਼ੀਆ- ਪੈਸੇਫਿਕ ਖੇਤਰ ਦੇ ਰਾਜਧਾਰੀਆਂ, ਤਾ ਕਦੇ ਗਲੋਬਲ ਸਾਊਥ ਦੇ ਪ੍ਰਤੀਨਿਧੀ — ਇਹ ਸਾਰੀਆਂ ਚੋਣਾਂ ਭਾਰਤ ਦੀ ਬਹੂ -ਪੱਖੀ ਕੂਟਨੀਤੀ ਨੂੰ ਦਰਸਾਉਂਦੀਆਂ ਹਨ। ਇਸ ਰਾਹੀਂ ਭਾਰਤ ਇਹ ਸੰਦੇਸ਼ ਦੇ ਰਿਹਾ ਹੈ ਕਿ ਉਹ ਕਿਸੇ ਇੱਕ ਗੱਠਜੋੜ ਤੱਕ ਸੀਮਤ ਨਹੀਂ, ਸਗੋਂ ਸਾਰੇ ਮਹੱਤਵਪੂਰਨ ਤਾਕਤ ਕੇਂਦਰਾਂ ਨਾਲ ਸੰਤੁਲਿਤ ਸਬੰਧ ਬਣਾਈ ਰੱਖਣਾ ਚਾਹੁੰਦਾ ਹੈ।

ਅੰਤਰਰਾਸ਼ਟਰੀ ਪੱਧਰ’ ਤੇ ਜਦੋਂ ਅਣਸ਼ਚਿਤਤਾ ਵੱਧ ਰਹੀ ਹੈ – ਚਾਹੇ ਉਹ ਯੁੱਧ ਹੋਣ, ਆਰਥਿਕ ਦਬਾ ਜਾਂ ਮਹਾਨ ਤਾਕਤਾਂ ਵਿਚਕਾਰ ਮੁਕਾਬਲਾ – ਤਾਂ ਭਾਰਤ ਗਣਤੰਤਰ ਦਿਵਸ ਵਰਗੇ ਮੌਕਿਆਂ ਰਾਹੀਂ ਆਪਣੀ ਸਥਿਰਤਾ ਤੇ ਭਰੋਸੇ ਯੋਗਤਾ ਨੂੰ ਉਜਾਗਰ ਕਰਦਾ ਹੈ। ਇਹ ਤਾਂ ਸਿਰਫ ਵਿਦੇਸ਼ੀ ਸਾਥੀਆਂ ਨੂੰ ਭਰੋਸਾ ਦਿੰਦਾ ਹੈ, ਸਗੋਂ ਦੇਸ਼ ਅੰਦਰ ਵੀ ਇਹ ਸੰਦੇਸ਼ ਪਹੁੰਚਦਾ ਹੈ ਕਿ ਭਾਰਤ ਹੁਣ ਗਲੋਬਲ ਮੰਚ ‘ਤੇ ਇੱਕ ਮਹੱਤਵਪੂਰਨ ਭੂਮਿਕਾ ਨਿਭਾ ਰਿਹਾ ਹੈ।

ਅੰਤ ਵਿੱਚ ਇਹ ਕਹਿਣਾ ਗਲਤ ਨਹੀਂ ਹੋਵੇਗਾ ਕਿ ਗਣਤੰਤਰ ਦਿਵਸ ਦੇ ਮੁੱਖ ਮਹਿਮਾਨ ਦੀ ਚੋਣ ਇੱਕ ਖਾਮੋਸ਼ ਪਰ ਤਾਕਤਵਰ ਕੂਟਨੀਤਕ ਬਿਆਨ ਹੁੰਦੀ ਹੈ। ਬਿਨਾਂ ਕਿਸੇ ਸਰਕਾਰੀ ਘੋਸ਼ਣਾ ਦੇ, ਭਾਰਤ ਦੁਨੀਆਂ ਨੂੰ ਦੱਸ ਦਿੰਦਾ ਹੈ ਕਿ ਉਹ ਕਿੱਥੇ ਖੜਾ ਹੈ, ਕਿਸ ਨਾਲ ਚਲਣਾ ਚਾਹੁੰਦਾ ਹੈ ਅਤੇ ਭਵਿੱਖ ਲਈ ਉਸ ਦੀ ਦਿਸ਼ਾ ਕੀ ਹੈ। ਇਹੀ ਹੈ ਗਣਤੰਤਰ ਦਿਵਸ ਦੀ ਅਸਲ ਕੂਟਨੀਤਕ ਮਹੱਤਤਾ।

💬Your Opionion Matters

👉 ਇਸ ਖਬਰ ਬਾਰੇ ਤੁਹਾਡੀ ਰਾਏ ਕੀ ਹੈ? ਕਮੈਂਟ ਕਰਕੇ ਜਰੂਰ ਦੱਸੋ।

📢Share &Support

👉 ਇਸ ਤਰ੍ਹਾਂ ਦੀਆਂ ਤਾਜ਼ਾ ਖਬਰਾਂ ਲਈ ਸਾਡੀ ਵੈਬਸਾਈਟ https://haqiqatepunjab.in/ ਨੂੰ ਰੋਜ਼ਾਨਾ ਵਿਜ਼ਿਟ ਕਰੋ।

⭐ਹੋਰ ਕ੍ਰਾਈਮ ਨਿਊਜ਼ ਪੰਜਾਬੀ ਨਿਊਜ਼ ਅਤੇ ਲਾਈਵ ਅਪਡੇਟਸ ਲਈ ਸਾਨੂੰ Follow ਕਰੋ।