ਭਾਰਤ ਦੇ ਸ਼ਹਿਰਾਂ ਵਿੱਚ ਵੱਧ ਰਹੀ ਆਵਾਰਾ ਕੁੱਤਿਆਂ ਦੀ ਸਮੱਸਿਆ ਹੁਣ ਸਿਰਫ਼ ਗਲੀਆਂ ਦੀ ਗੱਲ ਨਹੀਂ ਰਹੀ, ਇਹ ਅਦਾਲਤਾਂ ਤੱਕ ਪਹੁੰਚ ਚੁੱਕੀ ਹੈ। ਹਾਲ ਹੀ ਵਿੱਚ ਸੁਪਰੀਮ ਕੋਰਟ ਵਿੱਚ ਇਸ ਮੁੱਦੇ ‘ਤੇ ਚੱਲ ਰਹੀ ਸੁਣਵਾਈ ਦੌਰਾਨ ਜੱਜਾਂ ਨੇ ਸਾਫ਼ ਸ਼ਬਦਾਂ ਵਿੱਚ ਕਿਹਾ ਕਿ ਕੁੱਤਾ ਆਮ ਤੌਰ ‘ਤੇ ਉਸੇ ਵਿਅਕਤੀ ‘ਤੇ ਹਮਲਾ ਕਰਦਾ ਹੈ, ਜਿਸ ਤੋਂ ਉਸਨੂੰ ਡਰ ਮਹਿਸੂਸ ਹੁੰਦਾ ਹੈ। ਕੋਰਟ ਨੇ ਇਹ ਵੀ ਕਿਹਾ ਕਿ ਜਾਨਵਰਾਂ ਦੀ ਮਨੋਵਿਗਿਆਨਿਕ ਪ੍ਰਕਿਰਿਆ ਮਨੁੱਖਾਂ ਵਰਗੀ ਹੁੰਦੀ ਹੈ। ਜਿੱਥੇ ਡਰ ਆਪਣੇ ਆਪ ਨੂੰ ਬਚਾਉਣ ਦੀ ਪ੍ਰਵਰਤੀ ਪੈਦਾ ਕਰਦਾ ਹੈ, ਅਤੇ ਇਹੀ ਕਈ ਵਾਰ ਹਮਲੇ ਦਾ ਕਾਰਨ ਬਣ ਜਾਂਦਾ ਹੈ। ਇਹ ਟਿੱਪਣੀ ਇੱਕ ਕੁੱਤਾ-ਪ੍ਰੇਮੀ ਮਹਿਲਾਂ ਵੱਲੋਂ ਅਸਹਿਮਤੀ ਜ਼ਾਹਿਰ ਕਰਨ ‘ਤੇ ਆਈ, ਜਿਸ ‘ਤੇ ਅਦਾਲਤ ਨੇ ਸਮਝਾਇਆ ਕਿ ਅਜਿਹੀ ਰਾਏ ਤਜਰਬੇ ਅਤੇ ਵਿਗਿਆਨਿਕ ਨਿਰੀਖਣ ‘ਤੇ ਅਧਾਰਿਤ ਹੈ।
ਸੁਣਵਾਈ ਦੌਰਾਨ ਕੋਰਟ ਨੇ ਇਹ ਵੀ ਚਰਚਾ ਕੀਤੀ ਕਿ ਜੀ ਆਵਾਰਾ ਕੁੱਤਿਆਂ ਨੂੰ ਇੱਕਦਮ ਗਲੀਆਂ ਤੋਂ ਹਟਾ ਦਿੱਤਾ ਜਾਵੇ, ਤਾਂ ਚੂਹੀਆਂ ਵਰਗੀਆਂ ਹੋਰ ਬਿਮਾਰੀ ਫੈਲਾਉਣ ਵਾਲੀਆਂ ਪ੍ਰਜਾਤੀਆਂ ਤੇਜ਼ੀ ਨਾਲ ਵੱਧ ਸਕਦੀਆਂ ਹਨ। ਇਸ ਨਾਲ ਸ਼ਹਿਰੀ ਸਫ਼ਾਈ ਅਤੇ ਸਿਹਤ ਲਈ ਨਵੇਂ ਖ਼ਤਰੇ ਪੈਦਾ ਹੋ ਸਕਦੇ ਹਨ। ਜੱਜਾਂ ਨੇ ਇਹ ਗੱਲ ਰੱਖੀ ਕਿ ਕੁਦਰਤ ਵਿੱਚ ਹਰ ਜੀਵ ਦਾ ਇੱਕ ਸੰਤੁਲਨ ਹੁੰਦਾ ਹੈ, ਅਤੇ ਜੇ ਇੱਕ ਕੜੀ ਅਚਾਨਕ ਟੁੱਟਦੀ ਹੈ, ਤਾਂ ਨਤੀਜੇ ਅਣਪੇਖੇ ਹੋ ਸਕਦੇ ਹਨ। ਕਰਕੇ ਅਦਾਲਤ ਨੇ ਅਵਾਰਾ ਕੁੱਤਿਆਂ ਨੂੰ ਨਸਬੰਦੀ ਟੀਕਾਕਰਨ ਅਤੇ ਵਿਗਿਆਨਿਕ ਤਰੀਕੇ ਨਾਲ ਸੰਭਾਲਣ ਦੀ ਗੱਲ ਤੇ ਜ਼ੋਰ ਦਿੱਤਾ ਹੈ।
ਕੋਰਟ ਨੇ ਇਹ ਵੀ ਸਪਸ਼ਟ ਕੀਤਾ ਹੈ ਕਿ ਸਿਰਫ਼ ਪੈਸੇ ਦੀ ਕਮੀ ਦੇ ਕਾਰਨ ਅਦਾਲਤਾਂ ਤੱਕ ਪਹੁੰਚ ਨੂੰ ਮੁਸ਼ਕਲ ਬਣਾਉਣਾ ਠੀਕ ਨਹੀਂ, ਪਰ ਭੀੜ ਨੂੰ ਕਾਬੂ ਵਿੱਚ ਰੱਖਣ ਲਈ ਕੁਝ ਪ੍ਰਕਿਰਿਆਵਾਂ ਲਾਜਮੀ ਹੁੰਦੀਆਂ ਹਨ । ਇਸ ਦੌਰਾਨ ਇਹ ਵੀ ਸਾਹਮਣੇ ਆਇਆ ਹੈ ਕਿ ਦੇਸ਼ ਭਰ ਵਿੱਚ ਐਨੀਮਲ ਬਰਥ ਕੰਟਰੋਲ ਕੇਂਦਰ ਬਹੁਤ ਘੱਟ ਹਨ, ਜਿਸ ਕਾਰਨ ਆਵਾਰਾ ਕੁੱਤਿਆਂ ਦੀ ਵੱਧਦੀ ਗਿਣਤੀ ਨੂੰ ਢੰਗ ਨਾਲ ਸੰਭਾਲਿਆ ਨਹੀਂ ਜਾ ਸਕਦਾ।
ਇਸ ਪੂਰੇ ਮਾਮਲੇ ਤੋਂ ਇਹ ਸਾਫ਼ ਹੁੰਦਾ ਹੈ ਕਿ ਆਵਾਰਾ ਕੁੱਤਿਆਂ ਦੀ ਸਮੱਸਿਆ ਸਿਰਫ਼ ਜਾਨਵਰਾਂ ਦੀ ਨਹੀਂ, ਸਗੋਂ ਮਨੁੱਖੀ ਸੁਰੱਖਿਆ, ਸਿਹਤ ਅਤੇ ਸ਼ਹਿਰੀ ਪ੍ਰਬੰਧਨ ਨਾਲ ਜੁੜਿਆ ਇੱਕ ਗੰਭੀਰ ਮੁੱਦਾ ਹੈ। ਸੁਪਰੀਮ ਕੋਰਟ ਦੀਆਂ ਟਿੱਪਣੀਆਂ ਇਹ ਸੰਕੇਤ ਦਿੰਦੀਆਂ ਹਨ ਕਿ ਸਮੱਸਿਆ ਦਾ ਹੱਲ ਨਾ ਤਾਂ ਸਿਰਫ਼ ਦਇਆ ਹੈ ਅਤੇ ਨਾਂ ਹੀ ਸਖ਼ਤੀ, ਸਗੋਂ ਇੱਕ ਸੰਤੁਲਿਤ ਅਤੇ ਵਿਗਿਆਨਿਕ ਨੀਤੀ ਹੀ ਇਸਦਾ ਸਥਾਈ ਰਸਤਾ ਹੋ ਸਕਦੀ ਹੈ।
💬Your Opionion Matters
👉 ਇਸ ਖਬਰ ਬਾਰੇ ਤੁਹਾਡੀ ਰਾਏ ਕੀ ਹੈ? ਕਮੈਂਟ ਕਰਕੇ ਜਰੂਰ ਦੱਸੋ।
📢Share &Support
👉 ਇਸ ਤਰ੍ਹਾਂ ਦੀਆਂ ਤਾਜ਼ਾ ਖਬਰਾਂ ਲਈ ਸਾਡੀ ਵੈਬਸਾਈਟ https://haqiqatepunjab.in/ ਨੂੰ ਰੋਜ਼ਾਨਾ ਵਿਜ਼ਿਟ ਕਰੋ।
⭐ਹੋਰ ਕ੍ਰਾਈਮ ਨਿਊਜ਼ ਪੰਜਾਬੀ ਨਿਊਜ਼ ਅਤੇ ਲਾਈਵ ਅਪਡੇਟਸ ਲਈ ਸਾਨੂੰ Follow ਕਰੋ।
